পন্দুপ ০২

বাইবলনা ঐখোয়দা আশা পী

PLAY

ঐখোয় মীওইবশিংগী পুন্সিদা তোঙান তোঙানবা খুদোংচাদবা কয়া থেংনৈ। মদুনা মরম ওইরগা ঐখোয়দা ৱাবা, নুংঙাইতবা, লাঙতক্নবা কয়া ফাওই। নহাকসু অসিগুম্বা ফীভমশিং থেংনবা য়াওখ্রব্রা? নুংশিজবা মীওইশিং লৈখিদবা নত্রগা অনা অয়েক্না মরম ওইরগা হৌজিক হৌজিকসু নহাক অৱাবা মাইয়োক্নরম্বা য়াই। অৱাবশিংসি লোইবা নাইররোইদ্রা হায়না নহাক্না খল্লম্বসু য়াই। ৱাহং অসিগী পাউখুম বাইবলদা পীরি।

১. বাইবলনা ঐখোয়দা তুংগী করম্বা আশা পীবগে?

ঙসিগী তাইবংপানসিদা অৱা অনা খুদোংচাদবা কয়ানা পিক থল্লিবসি করিগীনো হায়বদু বাইবলনা ফোঙদোকই। অদুদসু নত্তনা অৱাবশিংসি ঈশ্বরনা থুনমক লৌথোকপিগনি হায়বগী নুংঙাইরবা ৱাফম অসিসু খঙহল্লি। তুংদা অফবা পুরক্কনি হায়না বাইবলদা ৱাশকপিরম্মী, মদুনা ঐখোয়দা আশা পী। (যিরেমিয়া ২৯:১১, ১২ পাবীয়ু।) তুংগী নুংঙাইরবা আশা অদুনা ঙসি ঐখোয়দা থেংনবা খুদোংচাদবা কয়া মাইয়োক্নবা ঙমহল্লি, অদুগা হৌজিক হৌজিকসু ঐখোয়না পুক্নীং লৈতানা নুংঙাইনা হিংবদা মতেং পাংই।

২. তুংগী পুন্সিগী মতাংদা বাইবলনা করি হায়বগে?

“অমুক হন্না শিবা, ৱাবা, তেংথাবা, কপ্পা অমসুং নাবা লৈররোই” হায়না বাইবলদা ইরম্মী। (ফোংদোকপিবা ২১:৪ পাবীয়ু।) ঙসি ঐখোয়না থেংনরিবা অৱাবশিং খুদম ওইনা—লায়রবা, ৱায়েল চুমদবা, অনাবা অমসুং অশিবা—তুংদা অমুক হন্না লৈররোই। পারাদাইস ওইরবা পৃথিবীদা মীওইবশিংনা লোম্বা নাইদনা নুংঙাইনা হিংগনি হায়না বাইবলদা ৱাশকপিরম্মী।

৩. বাইবলনা পীরিবা আশাশিং অসিদা থাজবা ঙম্নবা নহাক্না করি তৌগদগে?

মী অয়াম্বনা তুংদা অফবা ওইরক্কনি হায়না আশা তৌই। অদুবু মদু শোয়দনা ওইগনি হায়বদি মখোয়না হায়বা ঙমদে। বাইবলদা ৱাশকপিরম্বশিং অসিদি ঐখোয়না চপচানা থাজবা য়াই। ৱাশকশিং অসিদা থাজবা ঙম্নবগীদমক ঐখোয়না ‘শাস্ত্র কূপ্না থিজিনবা’ য়াম্না মরুওই। (পাখোনচৎপশিংগী থবক ১৭:১১) অসুম্না তৌবা মতমদা বাইবলদা য়াওরম্লিবা তুংগী আশাশিং অসি তশেংনমক থাজবা য়াব্রা নত্রগা য়াদব্রা হায়বদু নহাক্না শোয়দনা খঙবা ঙমগনি।

হেন্না খঙবীয়ু

তুংদা ওইরক্কদবশিংগী মতাংদা ঈশ্বরনা করি করি ৱাশকপিরম্বগে? ৱাশকশিং অদুনা ঙসি মীওই কয়াবু করম্না মতেং পাংবগে হায়বদু খঙমিন্নসি।

৪. অৱা অনা লৈতবা লোম্বা নাইদবা পুন্সি পীগনি হায়না ঈশ্বরনা ৱাশকপিরম্মী

মখাদা পীরিবা বাইবলদা য়াওরম্বা ৱাশকশিং অসি য়েংবীয়ু। করম্বা ৱাশক্না নহাক্না খ্বাইদগী হেন্না পামজবগে অমসুং করিগী পাম্লিবনো?

মখাদা পীরিবা ৱাশকশিং অমসুং বাইবলগী ৱাহৈপরেংশিং অসি পাবীয়ু অদুগা ৱাহংশিং অসি খন্নবীয়ু:

বাইবলগী ৱাহৈপরেংশিং অসিনা আশা পী হায়না নহাক্না খনব্রা? মসিনা নহাক্কী ইমুং মনুং অমসুং মরুপ মপাংশিংবুসু কান্নবা পীগনি হায়না খনব্রা?

মতমদুদা ওইরক্কদবশিং অদু খল্লগা য়েংবীয়ু

কনা অমতা . . .	মীপুম খুদিংমক্না . . .
অনা অয়েক, অহল ওইশিল্লকপগী অৱাবা অমসুং শিবা থেংনররোই।— যিশাইয়া ২৫:৮.	শোইনাইবা ওইররোই।— যিশাইয়া ৩৩:২৪; ৩৫:৫, ৬.
ৱায়েল চুমদবা থেংনররোই।— যিশাইয়া ৩২:১৬, ১৭.	লানগী চৈথেং ফংলরোই।— থাগৎ ঈশৈ ৪৬:৯.
হৌখ্রবা নুংঙাইতবা থৌদোকশিং নীংশিংলরোই।— যিশাইয়া ৬৫:১৭.	শিখ্রবশিংনা পৃথিবীদা অমুক হন্না হিংগৎলকপদু উবা ফংগনি।যোহান ৫:২৮, ২৯.
হকচাং ফনা অমসুং নহা ওইনা হিংবা ফংগনি।— যোব ৩৩:২৫.	লৈননবা য়ুম, নুংঙাইবা থবক অমসুং চানা থক্নবা মরাং কায়না ফংগনি।— থাগৎ ঈশৈ ৭২:১৬; যিশাইয়া ৬৫:২১, ২২.
ইঙনা চিক্না শান্তি লৈনা হিংবা ফংগনি।— থাগৎ ঈশৈ ৩৭:১১.	অৱা অনা লৈতনা মতম চুপ্পগী ওইনা হিংবা ফংগনি।— থাগৎ ঈশৈ ৩৭:২৯.

৫. বাইবলদা য়াওরম্বা ৱাশকশিংনা ঙসি ঐখোয়বু হরাওনা লৈবা ঙমহল্লী

ঙসি থোক্লিবা নুংঙাইতবা থৌদোক ৱাথোকশিং অসি উবা মতমদা মীওই কয়াগী থম্মোয়দা পুক্নীং হন্থবা নত্রগা শাউনিংবা ফাওই। অদুনা মীওই খরনা ইহৌ কয়া হৌদুনা অহোঙবা পুরক্নবা য়াম্না কন্না হোৎনৈ। তুংদা অফবা ওইরক্কনি হায়না বাইবলদা ৱাশকপিরম্বা অসিনা ঙসি মীওই কয়াবু করম্না মতেং পাংবগে হায়বদু য়েংসি। ভিদিও অসি য়েংবীয়ু, অমসুং মখাগী ৱাহংশিংসি খন্নবীয়ু।

ভিদিও: ঐনা ৱায়েল চুমদববু লান্থেংনবা পামখি (ইংলিশ) (৪:০৭)

ভিদিও অসিদা করম্বা ৱায়েল চুমদবা থবক্না রফিকাবু নুংঙাইহনখিদবগে?
ৱায়েল চুমদবা থবকশিংদু মহাক্না শেমদোকপা ঙমখিদে, অদুম ওইনমক বাইবলনা মহাকপু করম্না মতেং পাংখিবগে?

ঐখোয়না পুক্নীং হন্থরকপা অমসুং খুদোংচাদবশিং থেংনরকপা মতমদা বাইবলদা ৱাশকপিরম্বা তুংগী আশাশিং অসিদা থাজবা থম্বনা হায়রিবশিংদু মপুংফানা মাইয়োক্নবা ঙমহল্লি। পাউরৌ ১৭:২২ অমসুং রোমীয়া ১২:১২ পাবীয়ু, অদুগা ৱাহংশিং অসি নৈনবীয়ু: