“তাইবংপান অপূম্বা ফত্তবা অদুগী মখূত্তা লৈ।”—১ যোহান ৫:১৯.

“দিয়াবোলগী থবক মাঙহন্নবা ঈশ্বরগী মচা নিপা অদুবু ফোংদোকপিরে।”—১ যোহান ৩:৮, অশেংবা বাইবল।

তাইবংপানদা থোকলিবা সমস্যাশিংগী মতাংদা শন্দোকনা খঙজবা।—ফোংদোকপিবা ১২:১২.

অফবা তাইবংপান অমা ওইরক্কনি হায়বসিদা থাজবা য়াবগী মরম খঙজবা।—১ যোহান ২:১৭.

য়াই, য়ামদ্রবদা মরম অহুমদা য়ুমফম ওইরগা:

• সৈতানগী শাসনগী অরোয়বা নুমিৎ তমখ্রে। মীওইবা জাতিগী মথকতা লৈরিবা সৈতানগী শাসন অসি লোইশিন্নবা যেহোবানা লেপখ্রে। ঈশ্বরনা ৱাশকপী মদুদি ‘মহাকনা . . . দিয়াবোলবু মাঙহনগনি’ অমসুং সৈতাননা থোকহনখিবা মাঙ-তাকপশিং অদু কোকহন্দুনা হান্নগী ফীভমদা মপুংফানা অমুক হঞ্জিনহনগনি।—হিব্রু ২:১৪.

• ঈশ্বরনা যীশু খৃষ্টবু তাইবঙপানগী শাসন মপু ওইনবা খনবিখ্রে। যীশুদি তাইবংপান অসিগী তমথিরবা, মশাগী ওইজবতা খনবা শাসন মপু অসিদগী তোপ-তোপ্পী। যীশুগী শাসনগী মতাংদা ঈশ্বরনা ৱাশকই: “মহাক্না অশোনবশিং অমসুং অনংবশিংবু নুংশিবা পোক্কনি, . . মহাক্না মখোয়গী থৱায় ওৎনৈবদগী অমসুং হিংসা তৌবদগী হন্দোকপিগনি।”—থাগৎ ঈশৈ ৭২:১৩, ১৪.

• ঈশ্বরদি মীনমলোই। বাইবলনা ময়েক শেংনা হায়রি: “ঈশ্বরনা মীনম্বা” ওইথোক্তে। (হিব্রু ৬:১৮) যেহোবানা করিগুম্বা অমা পাংথোক্কনি হায়দুনা ৱাশকপিরবদি মদু পাংথোক্লবগা পাংখকনি। (যিশাইয়া ৫৫:১০, ১১) “হৌজিক তাইবংপান অসিগী মপু অদু তান্থোক্কনি।”—যোহান ১২:৩১.