“Ishworna . . . hinggathangani.”—Pakhonchatpasinggi Thabak 24:15, Asengba Bible.

Nungsijaba ama siba matamda pukning themjinningai oiba.—2 Corinthiya 1:3, 4.

Asiba nanggani haibaduna akiba pokhandaba.—Hibru 2:15.

Sikhrabasingga amuk hanna punba phanggani haibagi asengba asha.—Johan 5:28, 29.

Yai, yamdrabada maram ahumda yumpham oiraga:

• Ishwordi punsi sembiba mapuni. Biblena hai madudi Jehovah Ishworna “mee khudingda thawai, nungsasor amasung pot pumnamak pibi.” (Pakhonchatpasinggi Thabak 17:24, 25; Thagat Ishei 36:9) Ahingba jiba pumnamakpu punsi pibiba mahakna sikhraba kanagumba amabusu hinggathanba soidana ngamgani.

• Mamangeida Ishworna sikhraba meesingbu hinggat hanbikhi. Angang, ahal, nupa-nupi punna makhoi nipan hinggat hankhibagi thoudoksing Bibleda yaori. Khara amadi hek sikhibaga ikui kuidana hinggat hanbikhi adubu amakhakti numit marini mongphamda phumluraba matungda hinggat hanbikhi.—Johan 11:39-44.

• Ishworna madu amuk hanna pangthokpa pammi. Siba haibasi Jehovahna pamde. Mahakna masibu yeknaba amagumna ui. (1 Corinthiya 15:26) Hinggat hanbagi thabakna asiba haibadu louthokpiduna yeknabadubu maithiba piba mahakna “pamjagani.” Mahakna ningsingliba makhoisingdu amuk hanna hinggathanbiba amasung makhoina prithibida hingduna leibadu uba mahakna pammi.—Job 14:14, 15.