സങ്കീർത്തനം 46:1-11
സംഗീതസംഘനായകന്; കോരഹുപുത്രന്മാർ രചിച്ചത്.+ അലാമോത്ത് ശൈലിയിൽ* ഒരു ഗാനം.
46 ദൈവം ഞങ്ങളുടെ അഭയസ്ഥാനവും ശക്തിയും;+ഏതു കഷ്ടത്തിലും സഹായം തേടി ഓടിച്ചെല്ലാവുന്നവൻ.+
2 ഭൂമിയിൽ മാറ്റങ്ങളുണ്ടായാലുംപർവതങ്ങൾ ഇളകി ആഴക്കടലിൽ മുങ്ങിയാലും ഞങ്ങൾ പേടിക്കില്ലാത്തത് അതുകൊണ്ടാണ്.+
3 അതിലെ വെള്ളം ഇരമ്പിയാർത്താലും അതു പതഞ്ഞുപൊങ്ങിയാലും+അതിന്റെ ക്ഷോഭത്താൽ പർവതങ്ങൾ വിറകൊണ്ടാലും ഞങ്ങൾ ഭയക്കില്ല. (സേലാ)
4 ഒരു നദിയുണ്ട്; അതിന്റെ അരുവികൾ അത്യുന്നതന്റെ മഹനീയമായ വിശുദ്ധകൂടാരത്തെ,ദൈവത്തിന്റെ നഗരത്തെ, ആഹ്ലാദഭരിതമാക്കുന്നു.+
5 ദൈവം ആ നഗരത്തിലുണ്ട്;+ അതിനെ കീഴ്പെടുത്താനാകില്ല.
അതിരാവിലെതന്നെ ദൈവം അതിന്റെ തുണയ്ക്കെത്തും.+
6 ജനതകൾ ഇളകിമറിഞ്ഞു; രാജ്യങ്ങൾ വീണുപോയി;ദൈവം ശബ്ദം ഉയർത്തിയപ്പോൾ ഭൂമി ഉരുകിപ്പോയി.+
7 സൈന്യങ്ങളുടെ അധിപനായ യഹോവ ഞങ്ങളുടെകൂടെയുണ്ട്;+യാക്കോബിൻദൈവം ഞങ്ങളുടെ സുരക്ഷിതസങ്കേതം. (സേലാ)
8 വന്ന് യഹോവയുടെ പ്രവൃത്തികൾ കാണൂ!ദൈവം ഭൂമിയിൽ വിസ്മയകരമായ എന്തെല്ലാം കാര്യങ്ങളാണു ചെയ്തിരിക്കുന്നത്!
9 ദൈവം ഭൂമിയിലെങ്ങും യുദ്ധങ്ങൾ നിറുത്തലാക്കുന്നു.+
വില്ല് ഒടിച്ച് കുന്തം തകർക്കുന്നു,യുദ്ധവാഹനങ്ങൾ* കത്തിച്ചുകളയുന്നു.
10 “കീഴടങ്ങുക! ഞാൻ ദൈവമാണെന്ന് അറിഞ്ഞുകൊള്ളുക.
ഞാൻ ജനതകളുടെ ഇടയിൽ ഉന്നതനാകും;+ഭൂമിയിൽ ഞാൻ സമുന്നതനാകും.”+
11 സൈന്യങ്ങളുടെ അധിപനായ യഹോവ ഞങ്ങളുടെകൂടെയുണ്ട്;+യാക്കോബിൻദൈവം ഞങ്ങളുടെ സുരക്ഷിതസങ്കേതം.+ (സേലാ)