യശയ്യ 35:1-10
35 വിജനഭൂമിയും വരണ്ടുണങ്ങിയ ദേശവും സന്തോഷിച്ചുല്ലസിക്കും,+മരുപ്രദേശം ആനന്ദിച്ച്‌ കുങ്കുമംപോലെ പൂക്കും.+
2 അവിടം പൂത്തുലയും, നിശ്ചയം;+അത്‌ ആഹ്ലാദവും സന്തോഷവും കൊണ്ട്‌ ആർത്തുവിളിക്കും.
അതിനു ലബാനോന്റെ മഹത്ത്വം ലഭിക്കും,+കർമേലിന്റെയും+ ശാരോന്റെയും+ പ്രൗഢി കൈവരും.
അവർ നമ്മുടെ ദൈവമായ യഹോവയുടെ മഹത്ത്വവും പ്രൗഢിയും കാണും.
3 തളർന്ന കൈകൾക്കു ശക്തി പകരുവിൻ,വിറയ്‌ക്കുന്ന കാൽമുട്ടുകൾ ബലപ്പെടുത്തുവിൻ.+
4 ഭയന്നിരിക്കുന്നവരോട്‌* ഇങ്ങനെ പറയുക:
“പേടിക്കേണ്ടാ, ധൈര്യമായിരിക്കൂ.
നിങ്ങളുടെ ദൈവം പ്രതികാരം ചെയ്യാൻ വരും,പകരം ചോദിക്കാൻ വരും.+
ദൈവം വന്ന്‌ നിങ്ങളെ രക്ഷിക്കും.”+
5 അന്ന്‌ അന്ധന്റെ കണ്ണുകൾക്കു കാഴ്‌ച ലഭിക്കും,+ബധിരന്റെ ചെവികൾ അടഞ്ഞിരിക്കില്ല.+
6 അന്നു മുടന്തൻ മാനിനെപ്പോലെ ചാടും,+ഊമന്റെ നാവ്‌ ആനന്ദിച്ച്‌ ആർത്തുവിളിക്കും.+
മരുഭൂമിയിൽ* ഉറവകൾ പൊട്ടിപ്പുറപ്പെടും,മരുപ്രദേശത്ത്‌ അരുവികൾ ഒഴുകും.
7 വരണ്ടുണങ്ങിയ നിലം ഈറ്റകൾ വളരുന്ന തടാകമായി മാറും,ദാഹിച്ച്‌ വരണ്ട നിലം നീരുറവകളാകും.+
കുറുനരികളുടെ താവളങ്ങളിൽ,+പച്ചപ്പുല്ലും ഈറ്റയും പപ്പൈറസ്‌* ചെടിയും വളരും.
8 അവിടെ ഒരു പ്രധാനവീഥിയുണ്ടായിരിക്കും,+വിശുദ്ധവഴി എന്നായിരിക്കും അതിന്റെ പേര്‌.
ഒരു അശുദ്ധനും അതിലൂടെ സഞ്ചരിക്കില്ല.+
അതിലൂടെ നടക്കുന്നവർക്കു മാത്രമുള്ളതായിരിക്കും ആ വഴി;വിഡ്‌ഢികൾ ആരും വഴിതെറ്റി അതിലേക്കു വരില്ല.
9 സിംഹങ്ങൾ അവിടെയുണ്ടായിരിക്കില്ല,ക്രൂരമൃഗങ്ങൾ അവിടേക്കു വരില്ല.
അവിടെയെങ്ങും അവയെ കാണില്ല;+വീണ്ടെടുക്കപ്പെട്ടവർ* മാത്രമേ അതിൽ നടക്കൂ.+
10 യഹോവ മോചിപ്പിച്ചവർ*+ സന്തോഷാരവങ്ങളോടെ+ സീയോനിലേക്കു മടങ്ങിവരും.
ശാശ്വതസന്തോഷം അവരുടെ കിരീടമായിരിക്കും.+
അവർ ഉല്ലസിച്ചാനന്ദിക്കും.ദുഃഖവും നെടുവീർപ്പും പോയ്‌മറയും.+