Ulbi sakanka nani ra tâwaia

¿Prura ba wina kli buaia sip sa ki?

¿Prura ba wina kli buaia sip sa ki?

¿Man dîa lukisma...

  • ... âu?

  • ... apia?

  • ... ban kra?

¿BAIBIL BA DÎA SMALKISA?

“Pruan nani ba kli buaia sa.” (Apastil Nani Sturka 24:15, Dawan Bîla.)

¿DÎA YAMNIKA BRISA?

Wan uplika kum pruisa taim kupia bukanka brisa (2 Korint 1:3, 4).

Prura sibrinka wina alba kan ba pri takisa (Hibru Nani 2:15).

Wan latwankira nani pruan ba wal kli prawbia (Jan 5:28, 29).

¿BAIBIL DÎA SMALKI BA KASAK LUKAIA SIP SA KI?

Âu, natka yumhpa bâra sa:

  • Wan rayaka ba Gâd wina sa. Baibil ba Jehova Gâd ra “raya kaia kârma ba” mâkisa (Lawana 36:9; Apastil Nani Sturka 17:24, 25). Witin diara sut naha tasba ra ba rayaka yaban sa. Bamna, Witin baman sip sa upla kum pruan ba wina bukaia.

  • Patitara piua ra Gâd upla nani ra prura wina bukan. Baibil ra sampla 8 marikisa nahki upla almuk, tuktan, wahma tiara lupia, mairin bara waitna pruan kan ba wina naha tasba ra kli ai rayaka brin. Kum kum ba piu wiria baman pruan kan, bara waitna kum yu walhwal raiti ra kan ba wina bukan (Jan 11:39-44).

  • Gâd ai brinka pali sa pruan nani ba kli bukaia. Jehova prura ba misbara kaikisa kan ai waihla kum baku sa (1 Korint 15:26). Jehova wilin sa naha waihla ba diki sakaia. Baha mita, kli buaia lâka pramis munan sa. Witin ai brinka sa upla nani pruan ai sinska ra ba kli naha tasba ra brih balaia (Job 14:14, 15).

LUKI KAIKS

¿Dîa muni yawan almuk taki pruisa?

Baibil ansika ba BLASI STURKA 3:17-19 bara ROMAN 5:12 ra takisa.