Ko Wai Rā Kei te Whakahaere i te Ao?
Ki tōu whakaaro . . .
-
ko te Atua?
-
ko ngā tāngata?
-
ko wai ake rānei?
TĀ TE PAIPERA E KĪ ANA
“Kei te takoto te ao katoa i roto i te wairua kino.”—1 Hoani 5:19.
“Mō konei te Tama a te Atua i whakakitea mai ai, kia whakakāhoretia ai e ia ngā mahi a te rēwera.”—1 Hoani 3:8.
KO TŌNA PAINGA MŌU
Ka kitea māmā noa iho he aha i tino raruraru ai te ao.—Whakakitenga 12:12.
He pūtake hei whakapono ka huri haere te ao ki te pai.—1 Hoani 2:17.
KIA TINO WHAKAPONO RĀNEI TĀTOU KI NGĀ KŌRERO O TE PAIPERA?
Āe, e toru nei ngā take:
-
Ka whakamutua te mana o Hātana. E ngākau nui ana a Ihowa ka whakamutua e ia te mana o Hātana i runga i ngā tāngata. Ko tāna kupu, ka whakakāhore ia i te Rēwera, ka whakatika katoa i āna mahi whakamamae.—Hīperu 2:14.
-
Kua whiriwhiri te Atua ko Ihu Karaiti hei rangatira mō te ao. Kore rawa a Ihu e rite ki a Hātana, te rangatira nanakia, kaiapo o te ao ināianei. Mō te kīngitanga o Ihu, e kī ana te Atua: “E tohu ia i te tangata iti, i te rawakore . . . Ka hokona (rātou) e ia . . . i roto i te tūkino, i te tutū.”—Ngā Waiata 72:13, 14.
-
E kore te Atua e teka. He mārama noa iho te Paipera: “E kore ai e āhei kia teka te Atua.” (Hīperu 6:18) Ina kī a Ihowa ka mahi ia i tētahi mea, me kī tonu kua oti! (Īhāia 55:10, 11) “Ko āianei makā ai te rangatira o tēnei ao ki waho.”—Hoani 12:31.
HEI WHAKAARO
Ka pēhea te āhua o te ao ina makā atu a Hātana?
Kei te Paipera te whakautu ki taua pātai i NGĀ WAIATA 37:10, 11 me WHAKAKITENGA 21:3, 4.
Tērā Pea Ka Pai ki a Koe
ESSENTIAL BIBLE TEACHINGS
He Aha te Atua e Tuku Ai i te Mamae?
Kei te Paipera te whakautu pai, te whakautu whakamārie.
MŌ MĀTOU
He Aha Ai e Ako i te Paipera?—Te Mea Roa
E hōmai ana te Paipera he whakautu ki ngā pātai nui o te ora ki te hia miriona tāngata puta noa i te ao. E pai rānei koe kia uru ki a rātou?
MŌ MĀTOU
Tono kia Haere atu he Kaiwhakaatu ki a Koe
Kōrerotia tētahi pātai mō te Paipera, ako anō rānei mō ngā Kaiwhakaatu a Ihowa.
