E Tino Ora Anō Rānei te Hunga Mate?
E kī rānei koe . . .
-
āe?
-
kāore?
-
tērā pea?
TĀ TE PAIPERA E KĪ ANA
“Tēnei ake ka ara te hunga mate.”—Ngā Mahi a ngā Āpōtoro 24:15.
KO TŌNA PAINGA MŌU
He whakamārie ina mate tētahi i aroha koe.—2 Koriniti 1:3, 4.
He mutunga o te mataku i te mate.—Hīperu 2:15.
He tūmanako pono ka awhi ā-tinana anō koe ki tō whānau kua mate.—Hoani 5:28, 29.
KIA TINO WHAKAPONO RĀNEI TĀTOU KI NGĀ KŌRERO O TE PAIPERA?
Āe, e toru nei ngā take:
-
Ko te Atua te Kaihanga o te ora. E mea ana te Paipera ko Ihowa, ko te Atua, “te puna o te ora.” (Ngā Waiata 36:9; Ngā Mahi a ngā Āpōtoro 17:24, 25) Ko te Atua nāna te ora i homai ki ngā mea ora katoa, e tino āhei ana ki te whakaora anō i tētahi kua mate.
-
Kua ara i te Atua ētahi tāngata i mua. E waru āna mahi pērā ki te tangata i roto i te Paipera—tamaiti, kaumātua, tāne, wahine—i whakahokia mai kia ora anō ki te whenua. Poto noa iho te matenga o ētahi, heoi e whā ngā rā o tētahi i roto i te urupā!—Hoani 11:39-44.
-
E ngākau nui ana te Atua ki te pērā anō. E kino ana a Ihowa ki te mate; ki tōna titiro he hoariri tērā. (1 Koriniti 15:26) E ngākau nui ana ia ki te turaki i taua hoariri, kia whakamutu i te mate mā te aranga. E matenui ana te Atua ki te whakahoki mai i te hunga e maumahara ana ia, me te kite i a rātou e ora ana anō ki te whenua.—Hopa 14:14, 15.
HEI WHAKAARO
He aha tātou ka kaumātua haere, ā ka mate?
Kei te Paipera te whakautu ki taua pātai i KĒNEHI 3:17-19 me RŌMA 5:12.
Tērā Pea Ka Pai ki a Koe
ESSENTIAL BIBLE TEACHINGS
He Pēhea te Āhua o te Hunga Mate?
E kōrero ana te Paipera mō te wā e whakaarahia ngā mano i te mate, pērā i a Raharuhi.
MŌ MĀTOU
He Aha Ai e Ako i te Paipera?—Te Mea Roa
E hōmai ana te Paipera he whakautu ki ngā pātai nui o te ora ki te hia miriona tāngata puta noa i te ao. E pai rānei koe kia uru ki a rātou?
NGĀ AKO O TE PAIPERA
Whakamātauria Tā Mātou Akoranga Paipera
Whiwhia he akoranga Paipera whakawhitiwhiti kōrero me tētahi kaiako mō te kore utu.
