“Ka murua hoki e ia ngā roimata katoa i ō rātou kanohi; ā kore ake he mate; kāhore hoki he auē, kāhore he tangi, kāhore he mamae.”—Whakakitenga 21:3, 4.

Te tino mōhio ehara i te Atua a tātou raruraru.—Hēmi 1:13.

Te whakamārie o te mōhio e aroha ana te Atua ki a tātou ina mamae tātou.—Īhāia 63:9.

Te tūmanako ka mutu rawa te mamae katoa.—Ngā Waiata 37:9-11.

Āe, e rua nei ngā take:

• E kino ana te Atua ki te mamae me te kino. Maharatia te ngākau o Ihowa, o te Atua i te tūkinotanga o tāna iwi i ngā rā onamata. E kī ana te Paipera kāore ia i pai “i a rātou e auē ana i ō rātou kaitūkino, i ō rātou kaiwhakatoi.”—Kaiwhakariterite 2:18.

  E kino ana te ngākau o te Atua ki te hunga e tūkino ana i ētahi atu.  Hei tauira, e kī ana te Paipera ka whakarihariha ia ki “ngā ringa e whakaheke i te toto harakore.”—Ngā Whakataukī 6:16, 17.

• E aroha ana te Atua ki tēnā, ki tēnā o tātou. Ehara i te mea ko tēnā, ko tēnā anake kei te mōhio ki “tōna pōuri, ki tōna whiu”, engari ko Ihowa anō te mōhio ana!—2 Ngā Whakapapa 6:29, 30.

  Mā tōna Rangatiratanga, ka whakamutu i a Ihowa ngā mamae o tēnā, o tēnā. (Matiu 6:9, 10) Mō nāianei ia, e tino whakamārie ana ia i te hunga e āta rapu ana i a ia.—Ngā Mahi a ngā Āpōtoro 17:27; 2 Koriniti 1:3, 4.