AKORANGA 03
Ka Āhei Koe ki te Whakapono ki te Paipera?
He nui ngā kupu taurangi me ngā tohutohu i te Paipera. He pākiki pea koe i ngā kōrero o te Paipera, engari he tūpato hoki koe. Me whakapono e koe ngā kupu taurangi me ngā tohutohu o te pukapuka pēnei te tawhito? He pono ngā kōrero o te Paipera mō āianei, mō āpōpō hoki? He manotini ngā tāngata e whakaae ana. E tono ana mātou kia tirotirohia e koe.
1. He pono, he teka rānei ngā kōrero o te Paipera?
E kī ana te Paipera mō āna kupu “he kupu pono.” (Te Kaikauwhau 12:10) He kōrero mō ngā tāngata pono me ngā mea i aha rātou. (Pānuitia Ruka 1:3; 3:1, 2.) He tokomaha ngā tumu kōrero me ngā kaihuakanga kua whakaae ki ngā kōrero i te Paipera mō ngā rā, ngā tāngata, ngā takiwā, me ngā mahinga.
2. He aha te take he pono te Paipera ahakoa he tawhito?
He maha ngā kōrero i te Paipera kāore i mōhio whānuitia i tērā wā. Hei tauira, kei roto i te Paipera ētahi kōrero pūtaiao. I te wā i tuhia ai aua mea, kāore i whakaponohia e te nuinga. Heoi anō, e tautoko ana te pūtaiao o nāianei i aua kōrero. Ka “ū tonu ake ake” te Paipera.—Ngā Waiata 111:8.
3. Me whakapono e tātou ngā kōrero o te Paipera mō āmua?
Kei roto i te Paipera ētahi poropititanga a mō “ngā mea kāore anō i meatia.” (Ihāia 46:10) I tika tonu āna kōrero mō ētahi mea maha i mua rā anō o te heipūtanga. He nui anō āna kōrero mō ngā āhuatanga i te ao ināianei. I tēnei akoranga ka āta tirohia e tātou ētahi poropititanga o te Paipera. He mea mīharo te tutukitanga o ēnei mea!
KIMI MĀRAMATANGA
Āta tirohia i whakaae pēhea te pūtaiao onāianei ki ngā kōrero o te Paipera, āta tirohia hoki ētahi poropititanga mīharo o te Paipera.
4. E whakaae ana te pūtaiao ki te Paipera
I ngā wā onamata, i whakapono te nuinga i noho te whenua i runga i tētahi mea. Mātakitakitia te ATAATA.
Maharatia ngā mea i tuhituhia ki te pukapuka o Hopa ētahi 3,500 tau ki muri. Pānuitia Hopa 26:7, kōrerotia tēnei pātai:
-
He aha te take he mīharo te kōrero e iri ana te whenua “ki runga ki te kāhore noa iho”?
Nō te rua rau tau ki muri nei, kātahi ka mōhio ngā tāngata ki te hurihanga o ngā wai o te whenua. Engari, maharatia tā te Paipera i kōrero ētahi mano tau ki muri. Pānuitia Hopa 36:27, 28, kōrerotia ēnei pātai:
-
He aha te mīharo o tēnei whakaahuatanga māmā noa o te hurihanga o ngā wai?
-
E whakakaha ana ēnei karaipiture i pānui koe i tō whakapono ki te Paipera?
5. I poropiti te Paipera i ētahi mea nui
Pānuitia Ihāia 44:27–45:2, kōrerotia tēnei pātai:
-
He aha ngā mea i poropiti te Paipera e 200 tau i mua o te horotanga o Pāpurona?
E whakaae ana te hītori nā Hairuha, Kīngi o Pāhia me tōna ope taua i whakahoro te pā o Pāpurona i te tau 539 B.C.E. b Nā rātou i āta tahuri i te awa i tiaki i te pā. Tomo ana mā ngā kūwaha i waiho kia puare, ka whakarau i a rātou te pā kāhore he whawhai. Ināianei, e 2,500 tau o muri mai, kei te takoto pākarukaru a Pāpurona. Maharatia tā te Paipera i poropiti.
Pānuitia Ihāia 13:19, 20, kōrerotia tēnei pātai:
-
I tutuki pēhea ki a Pāpurona tēnei poropititanga?
Ngā wāhi horo o Pāpurona i Iraka ināianei
6. I poropiti te Paipera mō ētahi mea e kite ana tātou ināianei
E huaina ana e te Paipera ēnei rā ko “ngā rā o te whakamutunga.” (2 Tīmoti 3:1) Maharatia tā te Paipera i kōrero mō tēnei wā.
Pānuitia Matiu 24:6, 7, kōrerotia tēnei pātai:
-
I whakaahua pēheatia e te Paipera ngā rā o te whakamutunga?
Pānuitia 2 Tīmoti 3:1-5, kōrerotia ēnei pātai:
-
I whakaahua pēheatia e te Paipera ngā āhuatanga o ngā tangata i ngā rā o te whakamutunga?
-
Ko ēhea o ēnei āhuatanga ngā mea kua kitea e koe?
E KĪ ANA ĒTAHI: “He pukapuka te Paipera o ngā pūrākau me ngā pakiwaitara.”
-
Ki tō whakaaro, he aha te tino take e whakapono ana koe i te Paipera?
WHAKARĀPOPOTO
He tohu te hītori, te pūtaiao, me te poropititanga i te pono o te Paipera.
Titiro anō
-
He pukapuka pono te Paipera, he pukapuka tinihanga rānei?
-
He aha anō ētahi wāhi e whakaae ana te pūtaiao ki tā te Paipera?
-
Ki tō whakaaro e poropiti ana te Paipera mō āmua? He aha ai, he aha rānei i kore ai?
RAPU
Kei te Paipera ētahi hē ā-pūtaiao?
He aha ngā kōrero pono mō “ngā rā o te whakamutunga”?
“6 Bible Prophecies You Are Seeing Fulfilled” (The Watchtower, May 1, 2011)
Akohia he pēhea i pono ngā poropititanga o te Paipera mō te Emepaea Kariki.
Kite he pēhea te poropititanga o te Paipera i huri i te whakaaro o tētahi tangata mō te Paipera.
