Шукыштын шонымаште, ырес — тиде христиан символ. Иегован Таныкше-влак христиан улыт гынат, Юмылан кумалмаште ыресым огыт кучылт. Молан?

 Ик амалже теве могай: Иисус ыресеш огыл, а тыглай меҥгеш пудален сакыме лийын. Тыгак Библий христиан-влаклан идол-влаклан кумалме деч куржаш кӱшта. Тугеже, Юмылан кумалмаште ыресым кучылтман огыл (1 Коринфян-влаклан 10:14; 1 Иоаннын 5:21).

 Иисус каласен: «Тендан коклаште йӧратымаш лиеш гын, Мыйын тунемшем улмыдам чылан палат» (Иоаннын 13:34, 35). Тиде шомак дене Иисус Христос теве мом ончыктынеже ыле: тудын чын тунемшыже-влак ырес дене але вес иктаж-могай арвер дене огыл, а йӧратымаш дене ойыртемалтшаш улыт.