Юмын мыняр лӱмжӧ уло?
Библийысе вашмут
Юмын лӱмжӧ икте гына. Теве кузе тудо еврейла возалтеш: יהוה. А марий йылмыш тиде лӱм «Иегова» a манын кусаралтеш. Исаия пророк гоч Юмо каласен: «Мый Иегова улам. Тиде мыйын лӱмем» (Исаия 42:8). Акрет Библий кидвозышлаште тиде лӱм 7000 наре гана вашлиялтеш. Вес мут дене, Юмын титулжо-влак дене таҥастарымаште тиде лӱмым тушто чӱчкыдынрак возымо. Библийыште ик лӱмат b тынар гана ок вашлиялт.
Иегован вес лӱмжӧ-влак улыт мо?
Библий дене келшышын, Юмын ик лӱмжӧ гына уло. Тыгак тушто Иегован тӱрлӧ койышыжым ончыктышо титул-влакым возымо. Теве нунын гыч икмынярже.
Титул |
Библийысе почеламут |
Мом ончыкта |
|---|---|---|
Аллах |
|
Араб йылме гыч налме «Аллах» манме мут — тиде лӱм огыл, а «Юмо» манме мутым ончыктышо титул. Сандене тудо араб да вес йылме дене Библий кусарымашлаште вашлиялтеш. |
Альфа ден Омега |
«Икымше да пытартыш» але «тӱҥалтыш да мучаш». Вес мут дене Иегова деч ончыч нимогай Чылакертше Юмо лийын огыл да тудын деч вара огеш лий (Исаия 43:10). «Альфа» ден «омега» — грек алфавитыште икымше ден пытартыш буква-влак. |
|
Ача |
Илышым пуышо. |
|
Господь |
Оза але господин; еврейла Адо́н але Адони́м. |
|
Господь Саваоф |
Моткоч кугу суксо войскам вуйлата. «Господь Саваоф» манме титул «Войскам вуйлатыше Иегова» манмым ончыкта (Римлян-влаклан 9:29, УТ). |
|
Кугу Туныктышо |
Пайдалан туныкта да мемнам чын илыш корно дене вӱда (Исаия 48:17, 18). |
|
Кумалмым колыштшо |
Тудо ӱшан дене кумалше-влакын кумалмыштым шкеже колыштеш. |
|
Курымашлык |
Тудын тӱҥалтышыже лийын огыл. Тудо эре лийын да иктаж-кӧн але иктаж-мон лекме деч ончыч илен (Псалом 89:3). |
|
Курымашлык Кугыжа |
Тудо эре Кӱшылсӧ Оза лийын да умбакыжат эре лиеш. |
|
Кӱтӱчӧ |
Шке служитлышыже-влак верч тырша. |
|
Кӱшылсӧ Юмо |
Тудо эн кӱшыл верым налын шога; Кӱшылсӧ Вуйлатыше. |
|
Мый лиям тудо, кӧ лияш шонем |
Тудо шке шонымыжым шуктымо верч кеч-кӧат лийын кертеш. Тыгай умылтарымаш Исход 3:15 почеламутышто палемдыме Иегова лӱмын значенийжым умылаш полша. |
|
Пеҥгыдылык |
Тудо гына арален да утарен кертеш. |
|
Пиалан Юмо |
Тудо куаныше да пиалан улеш (Псалом 103:31). |
|
Святой дечат Святой |
Тӱняште тудын гаяк святой (нравственный шотышто ару) нигӧат уке. |
|
Тудлан гына ӱшанле лиймым йодшо |
Тудо еҥ-влак деч тудлан гына кумалмым вуча. |
|
Тӱлен налше |
Иисус Христосын надыржылан кӧра еҥ-влакым сулык ден колымаш деч утара (Иоаннын 3:16). |
|
Утарыше |
Лӱдыкшӧ але колымаш деч утара. |
|
Чылажымат Ыштыше |
Тудлан кӧра чылажат уло (Почмаш 4:11). |
|
Чылакертше |
Тудо чот виян улеш. Тудым нигӧат сеҥен огеш керт. «Чылакертше Юмо» мутым ончыктышо Эл Шадда́й манме еврей шомак Библийыште шым гана вашлиялтеш. |
|
Чылакучышо |
Тудын гына кӱшыл властьше уло; еврейла Адона́й. |
|
Шун атым ыштыше |
Кузе шун атым ыштыше шун дене мом шона, тудым ышта, тыгак Юмо еҥ-влакым шке шонымыжо почеш вашталтен кертеш (Римлян-влаклан 9:20, 21). |
|
Юмо |
Тудо, кӧлан кумалыт; кӱдыратле. Элохи́м манме еврей мут шуко чотым ончыктышо форман улеш. Тидыже Иегован кугу улмыжым, чыла деч кӱшнӧ шогымыжым да чыла деч эн сай улмыжым ончыкта. |
|
Юмо-шамычын Юмыжо |
Еҥ-влак тӱрлӧ юмылан кумалыт, но чын Юмо дене таҥастарымаште шоя юмо-влак пайдам конден огыт керт (Исаия 2:8). |
Еврей йылме дене Возымаште вашлиялтше вер лӱм-влак
Юмын лӱмжӧ южо библийысе вер лӱмыш пура, но нуно Юмын лӱмжӧ-влак огытыл.
Вер лӱм |
Библийысе почеламут |
Мом ончыкта |
|---|---|---|
Иегова-ире |
«Иегова пуа». |
Молан Юмын лӱмжым палаш да кучылташ кӱлеш
Еҥ-влак тудын лӱмжым палышт манын, Иегован кугу кумылжо уло, сандене тудо шке лӱмжым Библийыш возыктен. Тудын лӱмжӧ Библийыште икмыняр тӱжем гана вашлиялтеш (Малахия 1:11).
Юмын Эргыже, Иисус, Юмын лӱмжын чот кӱлешан улмым шуко гана палемден. Мутлан, тудо Иеговалан кумалын: «Тыйын святой лӱмет мокталтше» (Матфейын 6:9; Иоаннын 17:6).
Юмын лӱмжым пален налын да кучылташ тӱҥалын, айдеме Иегова дене йолташ лияшлан икымше ошкылым ышта (Псалом 9:11; Малахия 3:16). Юмын лишыл йолташыже-влак тыгай сӧрымашын шукталтмыжым ужын кертыт: «Мыланем ӱшанымыжлан верч Мый тудым утарем, Мыйын лӱмем палымыжлан верч Мый тудым левед аралем» (Псалом 90:14).
Библийыште возымо: «Юмо манме-влак пылпомыштат, мланде ӱмбалнат улыт гынат — тыгай юмо да тыгай оза чынжымак шуко» (1 Коринфян-влаклан 8:5, 6). Но тыгак тушто раш палемдыме: ик чын Юмо гына Иегова лӱмым нумалеш (Псалом 83:18, УТ).
a Еврей йылмым шымлыше-влак кокла гыч южышт Юмын лӱмжым «Яхве» манын ойлат.
b Библийыште Юмын лӱмжын кӱчык формо, Иаг, 50 наре гана вашлиялтеш. Тиде кӱчык формо «Аллилуия» шомакышкат пура. «Аллилуия» мут «Иаг Юмым моктыза» манмым ончыкта (Почмаш 19:1).
Вас также может заинтересовать
БИБЛИЙ ЙОДЫШ-ВЛАКЛАН ВАШМУТ
Кӧ тыгай Иегова?
Тудо ала-могай ик калыкын, мутлан израильтян-влакын, Юмыжо улеш манын каласаш лиеш мо?
ТӰҤ БИБЛИЙЫСЕ ТУНЫКТЫМАШ-ВЛАК
Юмын лӱмжӧ уло мо?
Юмын шуко титулжо уло, мутлан, Чылакертше, чылажымат Ыштыше да Господь. Но Юмын лӱмжат уло, кудыжо Библийыште 7 000 наре гана вашлиялтеш.
