Илышын тӱрлӧ формыжым ышташлан Юмо эволюцийым кучылтын мо?
Библийысе вашмут
Уке. Библийыште возымо почеш Юмо айдемым, тыгак вольык ден кушкылым шке тукымышт дене ыштен (Тӱҥалтыш 1:12, 21, 25, 27; Почмаш 4:11) a. Библийыште возымо дене келшышын, чыла еҥ Адам ден Еван — икымше еш мужырын — тукымжо улеш (Тӱҥалтыш 3:20; 4:1). Уло тыгай туныктымаш, пуйто Юмо, эволюцийым кучылтын, тӱрлӧ илыш формым ыштен. Южгунам тиде теорийым теистический эволюций маныт. Но тыгай туныктымаш Библийыште возымылан келшен ок тол. Туге гынат, Библийыште возымаш шанчызе-влакын тыгай шонымыштлан келшен толеш: чыла чонан-влак шке тукымышт коклаште икте-весышт деч ойыртемалтын кертыт b.
a Тӱҥалтыш книгаште кучылтмо «урлык» манме мут «вид» манме термин дене таҥастарымаште кумданрак значениян улеш. Чӱчкыдын шанчызе-влак, у видым почын, тидым эволюцийлан шотлат. Но чынжымак тиде пӱртӱсыштӧ урлык-влакын тӱрлылыкшым ончыкта (лач тыгаяк значений дене Библийыште «урлык» манме мутым кучылтмо).
Юмо эволюцийым кучылтын мо?
Теистический эволюцийлан ӱшаныше-влак илышын шочмыжым тӱрлӧ семын умылтарат. «Британский энциклопедий» дене келшышын, тиде теорий почеш «Юмо пӱртӱс тӱням ыштымыж годым естественный отбор манме процессым виктарен».
Теистический эволюций тыгак тыгай туныктымаш гыч шоген кертеш:
Чыла илыше организм акрет жапыште лийше ик тукым гыч лектын.
Ик биологический вид чылт вес видыш савырнен кертеш (южгунам тыгай вашталтымашым макроэволюций маныт).
Эволюцийын процессше-влакым Юмо виктара.
Эволюций нерген теорий Библийлан келшен толеш мо?
Теистический эволюций нерген теорий почеш Тӱҥалтыш книгаште тӱням ыштымаш нерген возымаш чын огыл. Но Иисус Христос Тӱҥалтыш книгаште возымым чын фактлан шотлен да тудым таныклымаште кучылтын (Тӱҥалтыш 1:26, 27; 2:18—24; Матфейын 19:4—6). Библийыште возымо дене келшышын, Иисус мландыш толмыж деч ончыч каваште Юмо дене пырля илен да тудлан тӱняште мо улмым ышташ полшен (Иоаннын 1:3). Сандене теорий, кудыж дене келшышын, Юмо тӱрлӧ илыш формым эволюцийым кучылтын ыштен, библийысе туныктымашлан келшен ок тол.
Пӱртӱсын вашталтмыжлан кӧра кушкыл ден янлык-влакын вашталтмышт эволюций нерген теорийым пеҥгыдемдат мо?
Библий огеш умылтаре, могай вашталтыш-влак ик тукымышто лийын кертыт. Но скрещиванийлан кӧра але пӱртӱсын вашталтмыжлан кӧра кушкылын але янлыкын у видше-влак лектын кертыт манын, Библий тореш огыл. Иктаж-кӧ тыгай вашталтыш-влакым эволюцийлан шотла гынат, тиде тыге огыл. Вет тыгай годым у илыш формо ок шоч.
b Южгунам тыгай вашталтымашым микроэволюций маныт.
Вас также может заинтересовать
ТӰҤ БИБЛИЙЫСЕ ТУНЫКТЫМАШ-ВЛАК
Сандалык ыштыме лийын мо?
Библийыште возымо, кузе мемнан тӱня ыштыме лийын. Но еҥ-влак чӱчкыдын тиде книгаште мом возымым огыт умыло але йомаклан шотлат. Библийлан ӱшанаш лиеш мо?
