Еҥ-влак илышын смыслже нерген ик йодышымак тӱрлӧ семын пуэден кертыт, мутлан: «Молан мый илем?», «Илышемын цельже уло мо?» Библий дене келшышын, илышнан смыслже — Юмо дене лишыл йолташ лияш да тудын дене кылым умбакыжат пеҥгыдемдаш. Теве икмыняр библийысе туныктымаш.

•   Юмо — мемнам Ыштыше. Библийыште возымо: «Тудо [Юмо] ыштен мемнам» (Псалом 99:3, У Сугынь, 1986).

•   Юмо чыла шке ыштымашыжым, ты шотыштак мемнамат, ойыртемалтше цель дене ыштен (Исайя 45:18).

•   Юмо мемнам тудын дек лишемаш кӱлешлык дене, ты шотыштак илышын смыслжым муаш кӱлешлык дене, ыштен (Матфейын 5:3, УТ). Еҥ-влак тиде кӱлешлыкым ситарышт манын, тудын кумылжо уло (Псалом 144:16).

•   Юмо дене лишыл кыл кучымашым пеҥгыдемдымына годым тудын деке лишемаш кӱлешлыкнам ситарена. Иктаж-кӧ шонен кертеш, пуйто Юмо дене йолташ лияш огеш лий, но Библий мемнам кумылаҥда: «Юмо деке лишемза, тунам Тудат тендан деке лишемеш» (Иаковын 4:8; 2:23).

•   Юмо дене йолташ лияшлан мыланна тудын шонен пыштымашыж дене келшышын илаш кӱлеш. Тиде шонен пыштымашыже нерген Экклезиаст 12:13 почеламутышто тыге возымо: «Чын Юмо деч лӱд да кӱштымыжым шуктен шого, вет айдемын илышыштыже тиде эн тӱҥ».

•   Ончыкыжым мемнан шотышто Юмын шонен пыштымашыже тӱрыснек шукталтеш. Тугодым тудо чыла орланымашым кораҥда да тудлан ӱшанлын служитлыше йолташыж-влаклан курымашлык илышым пуа (Псалом 36:10, 11).