Baibo ikalangilila ukuti Leza asi aliwe wapanzile Ciwa. Wapanzile umuntu uwizile aya Ciwa. Baibo ikalanda pali Leza ukuti: “Ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.” (Malango 32:3-5) Ukulingana na mazwi yaa tungati Satana Ciwa walipo umumalilike nupya umololoke, kuli kuti wali u mungeli umwana wako Leza.

 Pali Yoane 8:44, Yesu walanzile ukuti Ciwa “atikala mwa cumi,” pa kulangilila ukuti Satana watazile ayapo uwa cumi nupya uwaula umulandu.—Upangano Upya

 Nomba, wa viumbwa vyonsi ivya mano vyakwe Yeova, umungeli uwizile aya Satana wakweti untungwa wa kusoolola viipe nanti visuma. Pa mulandu wakuti wasoolwilepo ukucita ivyapusiine nu kulonda kwakwe Leza alino nu kutunka atwalane ya kutandikilapo ukumulondela, waipanzile umwineco ukuya Satana, icikasenula ukuti Kakanya.—Utandiko 3:1-5; Umbwilo 12:9.