Kupipi ni tauni lya Petrinja, makilomita 50 ku kaeya ka musumba wa Zagreb, ku Croatia

• Pa 29 Dizemba, 2020, mu Croatia mwacitike icilundumusi icali na maka ukufika kuli 6.4. Ya kapima yatiile cili cilundumusi icakuliisye pa vilundumusi vyonsi ivyacitikapo umu Croatia

• Pali ya kasimikila yonsi 91 aaya uku ncende iiya pataali uwacisiikepo

• Ya kasimikila 29 yutukiile kuze iyasya mang’anda yao

• Mang’anda 9 yononiike sana

• Mang’anda 16 yononiike panono

• Ing’anda ya Wene mu Sisak yononiikeko mumwi mumwi

• Iofesi lya musambo lya ku croatia lyasonsile aina aakuya muli Komiti Iikasakamala Aali mu Uzanzo. Komiti yii ikuombela pamwi na angalizi ya viputulwa yaili na ya eluda aa mu vilongano vya ku ncende iiya pa kupekanya ivya kwazwa yonsi aati yaponelwa nu uzanzo. Yakuombesya ukuyakomelezya muli vyakwe Leza nu kuyapeela ivyakulya. Nupya yakwazwa yonsi autukiile uku ncende zyuze pakuti yakwate umwakwikala. Lino yakuomba vii yonsi yakusininkizya ukuti yakulondela masunde ya kuicingilila kuli COVID-19.

Tukupepa ukuti Yeova atwalilile ukupeela aina itu yaa amaka aakuzizimizya umu nsita yii itale.—1 Petulo 5:10.