“Ju Lios ániapo kátekame wepu yawra jatwey june ka lütinakewta yéchana.” (Daniel 2:44, Traducción del Nuevo Mundo.)

“Wa a réytaka a nésawe éntok ka lütina.” (Lucas 1:33, San Lucasta Jïojtekahui, en énriapo jióxtewa bénasi jióxteri.)

• Wepu yaʼut wewʼwepulaysi ara ítom aniame (Isaías 48:17, 18).

• Abe, bemela buiäpo, alʼleakari éntok ka kökoreka ítom jiápsatuanake (Revelación [Apocalipsis] 21:3, 4).

Jewi, juebena razoonim aayu te woyimte émow nokná:

• Jesús a yew bitʼtuak jita yänake ju Liosta Yawra. Äpo a wojäseme maxtiak ke bem oracionimpo íkay netánʼnake ke Lios a Yáwrata äbo bitʼtuanake éntok imi Buiäpo a nésaw yaatunake (Lucas 11:2). Ket a yew bitʼtebok jachin ú Lióstaw nétanwawi chúpnake.

  Imi Buiäpo nax weramaka, jume tébay kokʼkome jïbuatuak, kökoreme jitʼtok éntoket kokʼkolam jiabitetuak (Mateo 15:29-38; Juan 11:38-44). Buéytuk äpo Liosta Yáwrapo Kobanarótunakey, ara a yew bitʼtuak jita musälamachik yäbarewi jume ámet nésawemʼmet bechïbo (Revelación [Apocalipsis] 11:15).

• Jita imi Buiäpo wëwi a yew bitʼtua ke ka jaikika bëye Liosta Yáwrata yebíxnakew bechïbo. Jesús beja júnel a nokʼlátukay ke ketune ke Liosta Yawra imi Buiäpo yanti anwamta óreko, yun naw nasʼsuawame, tébay éntok buia buiteme ayúnakey imi Buiäpo (Lucas 21:7, 10, 11).

  En énriapote sïmetate júkay bitcha. Wa bechïbote árate tua suale ke ka jaiki tiempo bëye Liosta Yáwrata am lütianakew bechïbo.