“Fode pa nou panse ki COVID-19 nepli enn danze pou lasante bann dimounn zis parski li nepli enn danze mondial.. . . Nou sir ki pou ena enn lot pandemi ki pou vini dan lavenir, ek nou bizin pare kan sa pou arive.”​—Dr. Tedros Adhanom Ghebreyesus, direkter-zeneral World Health Organization, 22 Me 2023.

 Boukou dimounn pe kontign soufer lor plan fizik ek mantal akoz pandemi COVID-19. Eski bann gouvernman ek bann lorganizasion lasante inn pare pou prosin pandemi? Eski zot kapav ed nou pou bann problem lasante ki nou ena aster-la?

 Labib koz lor enn gouvernman ki pou ed nou ena enn bon lasante. Li dir ki “Bondie ki dan lesiel pou etabli enn rwayom,” ouswa enn gouvernman. (Daniel 2:44) Kan sa gouvernman-la pou dirize, “okenn abitan pa pou dir: ‘Mo malad.’” (Izai 33:24) Tou dimounn pou profit enn bon lasante ek zot pou ena foul lenerzi.​—Zob 33:25.