Kisannla Fondater Relizion Bann Temwin Zeova?
Lorganizasion modern bann Temwin Zeova ti komanse ver lafin 19em siek. Sa lepok-la, enn ti group Etidian Labib ki ti viv pre ar Pittsburgh, Pennsylvanie, dan Lamerik, ti koumans examinn Labib dapre enn sertin metod. Zot ti konpar bann doktrinn ki bann relizion Kretien ti ansegne avek seki Labib vremem ansegne. Zot ti komans piblie seki zot ti aprann dan bann liv, bann lagazet, ek dan magazinn ki zordi apel Latour Degard—Pe Anons Rwayom Zeova.
Parmi sa group Etidian Labib-la ti ena enn misie ki ti apel Charles Taze Russell. Mem si dan sa lepok-la, se Russell ki ti pran latet dan sa travay lansegnman Biblik la ek li ti premie rédacteur en chef Latour Degard, li pa ti fondater enn nouvo relizion. Russell ek lezot Etidian Labib, kouma ti apel zot dan sa lepok-la, ti ena lobzektif pou favoriz bann lansegnman Zezi Kris ek pou swiv model lasanble Kretien dan premie siek. Se Zezi ki Fondater vre relizion Kretien, alor nou konsider li kouma fondater nou lorganizasion.—Kolosien 1:18-20.
Ena Osi
KESTION KI POZE SOUVAN
Eski Bann Temwin Zeova Bann Kretien?
Nou invit ou pou examine kifer nou Kretien ek kouma nou diferan ar bann group relizie ki dir zot Kretien.
REPONS POU BANN KESTION BIBLIK
Kisannla Zeova Ete?
Eski Li Bondie pou zis enn pep, kouma par exanp bann Izraelit?
PREZANTASION POU NOU MINISTER
Bann Temwin Zeova: Kisannla Nou Ete?
Boukou dimounn anvi konn plis lor kisannla bann Temwin Zeova ete. Aprann plis ar zot direkteman.
KISANNLA NOU ETE?
Demann enn Vizit
Gagn repons enn kestion dan Labib, ouswa aprann plis lor bann Temwin Zeova.