Mɛ́ E Wálà Là Tò-mia-làa Ka?
Íì lo à gèe lɛ . . .
-
pɛ́ e i zò mɔ̀ɔ ká ?
-
lɛ̀ dò ká lɛ̀í sɛ̀lɛ̀ yí?
-
gòmɛ́nɛ̀ lɛ́ e lɛ̀í sɛ̀lɛ̀ yía ká?
BÀÁƁÒA LÁÀ GÈE KPƐ
“Wálà lɛ́ e lɛ̀ía lɛ́ɛ̀ lo tò-mia-là yaà e kíe mɔ̀ lɛ́ à yí lɛ̀ɛ́ ló sìèa.”—Dànyá 2:44, New World Translation (NW).
“Waà nɛ́ gɔ̃ zɛ̀ nɔ ko lɛ̀ɛ; ɛ̃́ɛ̃́ gòmɛ́nɛ̀ lɛ́ɛ̀ lo kɛɛ̀ a kɔ̀là.”—Ààzáyà 9:6, NW.
WƆ̃́ NÌA YÍ LƐ́Ɛ MƐƐ KÁ I LƐ̀Ɛ
-
Lɛ́ɛ̀ kélɛ̀ gòmɛ́nɛ̀ kpeĩ kpó-kpó lɛ́ è bɛ̀i gbũ̀mɔ̀ nɔɔ̀ i dìè tĩ́ i lɛ̀ɛ.—Ààzáyà 48:17, 18.
-
Lɛ́ɛ̀ kélɛ̀ kpóṹlà dɛɛ lɛ́ lɛ nu pìèa yía mia óò lo kɛɛ̀ kéléŋ-kèlèŋ wà zò géli zɛ̀.—Wɛ̀lɛ̀vèlésɔ̃̀ 21:3, 4.
KƆÁÀ BƐ̀I WƆ̃́ LƐ́ BÀÁƁÒ À GÈEA SÍÌ KPÓ-KPÓ ƁO WÁNÀ KÁ?
M̀m̀, à yíɓoá pèèlɛ kpó-kpó wɛ̃́ĩ̀:
-
Zízɛ̀ e wɔ̃́ lɛ́ Wálà là Tò-mia-là è lo à kɛɛ̀ɛ zɔ̃̀ɔ̃̀. Zízɛ̀ e zí lɛ́ là tòà-píé-mìà ò bɛ̀i sɛ̀nɛ ɓoò à ká kɛ Wálà là Tò-mia-là é nu ɛ̃́ɛ̃́ kɛ wɔ̃́ lɛ́ Wálà à nàà à káa é kɛ tã́ã̀ zèea zɔ̃̀ɔ̃̀. (Máfìù 6:9, 10) Zízɛ̀ e zí lɛ́ Zìhóvà è lo sɛ̀nɛ ɓo wèa zɛ nɔɔ̀ à káa zɔ̃̀ɔ̃̀.
Lɛ̀ Zízɛ̀ e kɛ kpóṹlà zèea, e léɓèlè nɔ míá lɔ̀ɔ e kɛ o kɛpìèa lɛ̀ɛ, e yáá mìà la, ɛ̃́ɛ̃́ e mia wɛ̀lɛ̀ ga kɛ̀lɛ̀! (Máfìù 15:29-38; Zɔ̃̀ɔ̃́ 11:38-44) À kɛ̀ tòò líé zàá Wálà là Tò-mia-là wũ-là-mì káa, Zízɛ̀ e wɔ̃́ lɛ́ Wálà là Tò-mia-là e kília è lo à kɛɛ̀ là mia nì lɛ̀ɛ gɔ̃̀á zɔ̃̀ɔ̃̀ e yiè ka.—Wɛ̀lɛ̀vèlésɔ̃̀ 11:15.
-
Wɔ̃́ nì lɛ́ o kɛpìà kpóṹlà zèea óò zɔ̃̀ɔ̃̀ kélɛ̀ Wálà là Tò-mia-là lɛ́ɛ̀ lo nuù dɛɛ. Zízɛ̀ a gèe mɔ́ kɛ́lɛ̀ kɛ Wálà là Tò-mia-là é tĩã́ nuù zò-yà-gé ká kpóṹlà zèea, gèlè wà lɔ̀ɔ daà ɛ̃́ɛ̃́ kpóṹlà kã̀ áà lo gìè óò lo kɛɛ̀ kɛpia lɛ̀ séĩ́ mɔ̀.—Máfìù 24:3, 7.
Ko wɔ̃́ nì e kéa gɛ̃̀pìà áà kɛ̀ pɛ́nɛɛ. À mɔ́ɔ̀ wɔ̃̀ mɔ̀ɔ, kóò yí dɔ dìè ɓo kélɛ̀ Wálà là Tò-mia-làa lɛ nu pìà wɔ̃́ yɔɔ yɔɔ sùu nìa ɓoò tã́ã̀ dɛɛ.
I YƐ́LƐ́TÁÁ WƆ̃́ E KÉA YÍ
Kɛ̀ɓe lɛ́ɛ̀ lo kɛɛ̀ kpɛɛ̀ Wálà là Tò-mia-làa wì kpóṹlà zèe?
Bàáɓòa lɛ́ɛ̀ wɛ̃́ĩ́-lɔ̀ɔ e kéa yíɓo SÃ́Ã̀ 37:29 wà ÀÀZÁYÀ 65:21-23 yi.
Ii Loa Naa Bɛ̃ɛ̃ ka Leĩ
WƆ̃ KPANAZƐ NI LƐ BAABO A ZƆ̃Ɔ̃Ɔ
Mɛ́ E Wálà Là Tò-mia-làa Ka?
Zízɛ̀ là Wálà wè gèeè yía, e Wálà là Tò-mia-làa wɔ̃̀ zɔ̃̀ɔ̃̀ mia lɛ̀ɛ nyɔ́ɔ̀ɔ e dieá pɛ séĩ́ là. Kɛ̀ɛ̀ wũ búnùzɛ̀ píéa, là tòà-píé-mìà waà sɛ̀nɛ ɓo kɛ Tò-mia-là e kília é nu.
É GBƐ̃̀Á KO MƆ̀
Mɛ́ Kɔà Mɔũ̀ Bàáɓò Mɛdã?
Bàáɓò lɛ wɛ̃́ĩ́-lɔ̀ɔ kpànazɛ lɛ́ à gbɛ̃̀ɛ̃ lɛ kɛ̀ɓe mɔ́ɔ̀ wɔ̃̀ mɔ̀ɔ yí ɓo pìà mia gbààlà gbùò zɛ̀ lɛ̀ɛ kpóṹlà lɛ̀ séĩ́ mɔ̀. Ɓáà nàà í kɛ o dò ká?
PƐ́ BÀÁBÒ À ZƆ̃̀Ɔ̃̀ NÌ
I Ko Baabo Mɛdãa yidã
I Baabo mɛdãa lɛ lɛ kelɛ dɔɔ dɔɔ, lɛ ka ɓa pɛzɔ̃ɔ̃mi ka lo kɛɛ ka kie gɛ̃pia kaa kɛɛ sɔlɔɓo ɓɔɔ.
