Vaira Nega Maurina be Ede be Hetomu?
O laloamu mauri . . .
-
be idaumu eiava lasi?
-
be dikamu eiava lasi?
-
be namomu eiava lasi?
BAIBUL NA E TOMAMU
“Dirava . . . ese iruru-matadia iboudiai matadia amo baine dahu oho. Mase bona dara-doko bona taitai bona hisihisi bae ore; badina be ḡau gunadia vada e puki.”—Apokalupo 21:3, 4, Buka Helaḡa.
UNA GWAUHAMATA ENA NAMO
Mai moalemu ida ḡaukara idauidau bo karamu.—Isaia 65:21-23.
Gorere o hisihisi idauidau bae ore.—Isaia 25:8; 33:24.
Emu ruma bese bona turamu ida mauri namona bo moalelaiamu ela bona hanaihanai.—Salamo 37:11, 29.
BAIBUL BAITA ABIDADAMA HENIA DIBA, EIAVA?
Oibe, ini badi rua daidiai:
-
Dirava ena siahu na heḡereḡere ena gwauhamata baine haḡuḡurudia diba. Baibul ese Iehova sibona e gwauraiamu, “siahu idoinai Diravana,” badina iena siahu na asi hetoana. (Apokalupo 15:3) Una dainai, Ia na heḡereḡere momokani, eda mauri baine hanamoa, e gwauhamata heḡereḡerena. Baibul na e tomamu, “Dirava hari ḡau iboudiai ikaradia dibana.”—Mataio 19:26.
-
Dirava na e uramu gwauhamata baine haḡuḡurua. Heḡereḡere, Iehova ese e ‘uralaia lalo-dikamu’ ḡauna na e mase taudia baine hatoredia isi lou.—Iobu 14:14, 15.
Baibul ese danu e hahedinaraiamu, Dirava Natuna, Iesu, ese gorere taudia e hanamodia. Dahaka dainai Iesu na unu e kara toma? Badina ia na e “ura” una baine karaia. (Mareko 1:40, 41) Tamana heḡereḡerena, Iesu danu e uramu taunimanima iboudiai baine durudia.—Ioane 14:9.
Una dainai, ta abia daemu Iehova bona Iesu na e uramu ita bae duruda, vaira negana ai mauri namona baita moalelaia totona!—Salamo 72:12-14; 145:16; 2 Petro 3:9.
MANI A LALOA
Dirava ese eda tanobada be ede baine hanamoa toma?
Una henanadai haerena na ini Baibul siridia ai: MATAIO 6:9, 10 bona DANIEL 2:44.