Kja trexe ne Xoñijomꞹ na punkjꞹ ntee manji ke nu ngronsi ngeje na símbolo kja yo cristiano. Yo testigo e Jehová xo ri ngejme cristiano i dya ri xørpꞹjme nu ngronsi. ¿Pjekjaa?

 Kʼo otrʼꞹ ni jyodʼꞹ ra pa̱ra̱ji nge, kja ne Biblia dya jizhi ke e Jesús go nrru̱u̱ kja na ngronsi, mama ke o nrru̱u̱ kja na zaʼa. Xo ñeje e Yose xipji yo cristianos: “Ri kʼuenbegeji yo tsʼita”. Ma ri usaji nu ngronsi chenjui nzakja ma ri xørpꞹji yo tsʼita​(⁠1 Corintios 10:14, Yo dʼayʼo jñaʼa mižokjimi kʼwaja ga tʼopjü kja jñatjo, ro junsʼꞹ kʼua jaga opjꞹjidya; 1 Juan 5:​21).

 E Jesús go jizhi jargua ñetsʼe kʼo bʼemi mi ngeji cristiano, ma o mama: “Ma ri potki sʼiyaji, akjanu ra mba̱ra̱ trjexe yo ntee ngetsʼkʼeji in discípulotsʼꞹji” (Juan 13:34, 35). Akjanu e Jesús o mama jargua ñetsʼe kʼo bʼemi rgui ngeji cristiano,​⁠dya mi nge dʼa ngronsi o pje ma tsʼita,⁠⁠ mi nge kʼo bʼemi ro sʼiya yo i minteji.