Bʼꞹma nandyo rga kjaji ne trʼønꞹ. Bʼꞹbʼꞹ kʼo øntsjɇji: “¿Pjenga ri bʼꞹnjiba?” maxke “¿Pjekja go dyⱥkøji?”. Ne Biblia mama ke ri bʼꞹnjiba ngekʼua ra søø ra jogøji ko e Diosi. Ma ri nee ra pa̱ra̱jiyo, ra nuji yo mama ne Biblia.

•   E Diosi nge kʼꞹ o dyⱥkⱥgøji. Ne Biblia mama: “Nge [e Diosi] kʼꞹ o dyⱥkøji” (Salmo 100:3; Revelación; Apocalipsis 4:11).

•   Kʼꞹ go dyⱥtrʼⱥ texe pa̱ra̱ pje kja bo dyⱥtrʼⱥyo, nzakja pjekja go dyⱥtrʼⱥ yo ntee (Isaías 45:18).

•   Mizhokjimi go dyⱥkøji ngekʼua ri nee ra pa̱ra̱ji kjo nge angeze ñe ri nee ra pa̱ra̱ji pjekja ri bʼꞹnkʼøjiba (Mateo 5:3). Angeze nee ke ra pa̱ra̱jiyo (Salmo 145:16).

•   Me ri mⱥji ma ri pa̱ra̱ji kjo nge Mizhokjimi ñe kʼꞹ ri søø ra joji ko angeze, dya na sʼɇzhi ra kjajiyo. Ngekʼua ne Biblia xitsiji: “Chɇzhgeji a jmii Mizhokjimi; angeze xo ra chɇzhi in jmigeji” (Santiago 4:8; 2:23).

•   Ma ri nee ra jogøji ko e Mizhokjimi, ni jyodʼꞹ ra kjaji kʼo xitsiji angeze. Ne Biblia mama: “Kʼꞹ bi dyⱥtrʼⱥ yo ntee: nge kʼꞹ ra zu̱ji ñe ra sʼiyaji Mizhokjimi ñe ra dyⱥtⱥji kʼo mama angeze” (Eclesiastés 12:13, versión de Ángel Sánchez, nota; lenguaje actualizado).

•   Ma e Mizhokjimi ra kjuatꞹ kʼꞹ ri supjreji ñe ra tsjaa ke yo nge o joji ra minji texe yo paa —yo ⱥtⱥji angeze—, akjanu ra mimiji jango ma nee Mizhokjimi (Salmo 37:10, 11).