XØRꞸ 01
¿Ja rga mbøxkʼꞹ yo mama ne Biblia?
Na punkjꞹzgøji ri øntsjɇji ja go mbꞹrꞹ in zakꞹji, pjenga ri supjreji, pjenga ri tu̱ji ñe pje ra kjogꞹ yo paa ke ba e̱je̱. Xo ñeje ri søxiji nangeje kʼo ri kjogꞹji pama pama, nzakja ja rga to̱nji kʼo ni jyongꞹji ngekʼua ra minji na joo ñe ja rga pɇsʼiji na pjamilia ke me ra mⱥjⱥ. Na punkjꞹ ntee unꞹji nguenrra ke kja ne Biblia tøtrʼꞹji kʼo nee ra mba̱ra̱ji ñe pjøsʼꞹji ra minji na joo pama pama. ¿I kreoge ke yo mama kja ne Biblia søø ra mbøsʼꞹ na ntee ke gi pa̱ra̱ge?
1. ¿Pje ma trʼønꞹ trjꞹrꞹ ne Biblia?
Ne Biblia trjꞹrꞹ yo trʼønꞹ kʼo me ni mubi nzakja: ¿kjo nge kʼꞹ o dyⱥkøji?, ¿pjenga ri bʼꞹnkʼøjiba?, ¿pjenga supjreji yo na jonte?, ¿pje kjogꞹ ma ri tu̱ji?, ¿pjenga tsʼaa na punkjꞹ chu̱ʼu̱ kja ne xoñijomꞹ ma yo ntee ri nee ra ka̱ra̱ji na joo?, ñe ¿pje ra kjogꞹ ko ne xoñijomꞹ? Kja ne Biblia søø ra tøtrʼꞹji texe yo ri nee ra pa̱ra̱ji, na punkjꞹ ntee a unꞹji nguenrra ke nge akjanu ñe me mⱥji ke a mba̱ra̱jiyo.
2. ¿Ja ga mbøxkꞹji ne Biblia ngekʼua ra mimiji na joo texe yo paa?
Yo konsejo ke ba e̱je̱ kja ne Biblia pjøxkꞹji na punkjꞹ. Nzakja xipji yo pjamilia pje ra tsjaji ngekʼua ra mⱥji. Xo pjøxkꞹji ko ne estrés ñe me ra mⱥji rga pɇpjiji. Nzi rga xørꞹji yo mamaba ri pa̱rge kʼo ya ro nuji kʼo mama ne Biblia ñe xi na punkjꞹ kʼo xi ri pjechi. Ri unkʼe nguenrra ke “me ni mubi o Jñaa e Mizhokjimi [texe yo mama ne Biblia]” nange me pjøxkøji (2 Timoteo 3:16).
Ne xiskuama dya ngeje ne Biblia. Pe pjøxkʼꞹ ngekʼua ri meya yo mamanu. Ngekʼua ri jyodʼꞹ texe yo texto yo ba e̱je̱ nzi na xørꞹ ñe ri ñuu ja ga kja ko yo na pjechi.
TEXE YO JÑAA KE ME NI MUBI RA PA̱RA̱JI
Ra nuji ja ba mbøsʼꞹ na punkjꞹ ntee yo mama ne Biblia, pje søø ra kjagøji ngekʼua ra mⱥkjøji rga xørꞹji ne Biblia ñe xo ra nuji pje kja na joo ra bʼꞹbʼꞹ kjo ra mbøxkꞹji ra meyaji yo ri xørꞹji.
3. Ne Biblia xitsiji pje ra kjaji
Ne Biblia nge nzakja na sibi ke onsʼꞹ nu ja ri nzhodʼꞹji. Ra xørꞹji ngekʼua ra pa̱ra̱ji pje ra kjaji ñe pje ra kjogꞹ kja yo paa yo ba e̱je̱.
Xørꞹbi Salmo 119:105 ñe ri chjꞹrꞹbi yo trʼønꞹ yo ba e̱je̱:
-
¿Pje mi kjijñi yo ba e̱je̱ kja ne Biblia kʼꞹ go dyopjꞹ ne salmo?
-
¿Ja gi ñuge yo mama ne Biblia?
4. Kja ne Biblia ri chøtrʼꞹ yo gi nee ri pa̱ra̱
Na nrrinxu mi kreo kʼo dya ma kjuana, pe kja ne Biblia o chøtrʼꞹ kʼo mi nee ro mba̱ra̱ ñe me go zøʼø na joo. Jñanrrabi ne VIDEO ñe ri chjꞹrꞹbi yo trʼønꞹ yo ba e̱je̱:
-
¿Pje ma trʼønꞹ mi pɇsʼi ne nrrinxu kja ne video?
-
¿Ja ba mbøsʼꞹ ma go zopjꞹ ne Biblia?
Ne Biblia xitsiji ke na joo ra kjaji trʼønꞹ. Xørꞹbi Mateo 7:7 ñe ri chjꞹrꞹbi ne trʼønꞹ nu ba e̱je̱:
-
¿Gi kreoge ke ne Biblia søø ra nrrꞹrꞹ yo trʼønꞹ ke gi kjage?
5. Søø ra mⱥkjøji ma ra xørꞹji ne Biblia
Na punkjꞹ ntee nee ra zopjꞹji ne Biblia nangeje nuji ke me pjøsʼꞹji. Jñanrrabi ne VIDEO ñe ri chjꞹrꞹbi yo trʼønꞹ yo ba e̱je̱:
-
¿Pje manji yo trʼii kja ne video?
-
¿Pje kja nudya nee ra xørꞹji ne Biblia?
Kja ne Biblia ri tøtrʼꞹji jñaa ke pjøxkꞹji ra søji na joo ñe xitsiji yo ra kjogꞹ yo paa yo ba e̱je̱. Xørꞹbi Romanos 15:4 ñe ri chjꞹrꞹbi ne trʼønꞹ nu ba e̱je̱:
-
¿Xi gi nee ri pa̱rge ja rga mbøxkʼꞹ kʼo mama ne Biblia ñe kʼo me na joo kʼo ra kjogꞹ yo paa yo ba e̱je̱?
6. Na joo ra bʼꞹbʼꞹ kjo ra mbøxkꞹji ra meyaji yo ri xørꞹji kja ne Biblia
Zø na joo ri xørꞹtsjɇ ne Biblia, na punkjꞹ ntee nuji ke mazi na joo ma kjo ra mbøsʼꞹji. Xørꞹbi Hechos 8:26-31 ñe ri chjꞹrꞹbi ne trʼønꞹ nu ba e̱je̱:
-
¿Pje ni jyongꞹzꞹji ngekʼua ra pa̱ra̱ji pje nee ra mama yo ri xørꞹji kja ne Biblia? (Jñanrrabi yo versículo 30 ñe 31).
Kʼe bʼɇzo kʼꞹ mi menzumꞹ a Etiopía mi jyodʼꞹ kjo ro mbøsʼꞹ ngekʼua ro mba̱ra̱ kʼo mi xørꞹ kja ne Biblia. Yo padya, na punkjꞹ ntee nuji na joo ke ra bʼꞹbʼꞹ kjo ra mbøsʼꞹji ra mba̱ra̱ji yo xørꞹji kja ne Biblia.
BʼꞸBʼꞸ KʼO MANJI: “Ke dya na joo ra zopjꞹji ne Biblia”.
-
Natsʼkʼe, ¿pje gi mange? ¿Pjenga gi mange akjanu?
KʼO YA RO NUJI
Ne Biblia jitsiji ja rga minji pama pama, trjꞹrꞹ yo trʼønꞹ ke ri kjaji, pjøxkꞹji ra søji na joo ñe xitsiji pje ra kjogꞹ yo paa yo ba e̱je̱.
Pje gi mbeñege
-
¿Pje ma konsejo ri tøtrʼꞹji kja ne Biblia?
-
¿Pje ma trʼønꞹ kʼo ri kjaji trjꞹrꞹ ne Biblia?
-
Natsʼkʼe, ¿pje ni mbe kʼo xi gi nee ri pjechi kʼo gua e̱je̱ kja ne Biblia?
XE SØØ RI PA̱RA̱
Jñanrra pje kja yo konsejo ke ba e̱je̱ kja ne Biblia pjøxkꞹji yo padya.
“Yo jñaa yo ju̱nsʼꞹ kja ne Biblia pjøxkꞹji texe yo paa” (La Atalaya, núm. 1 2018)
Jñanrra ja gua mbøsʼꞹ ne Biblia na bʼɇzo ke nrreze ma mi tsʼitrʼi dya mi søʼø na joo ñe o kjogꞹ na punkjꞹ nrrumꞹ.
Pje nge kʼo ro pjꞹrꞹ ro kjagø ngekʼua ro mimi na joo ñe ro to̱jia (2:53)
Pjechige yo konsejo yo mama ne Biblia ngekʼua in pjamilia ra to̱jia.
“12 konsejo ke ra mbøsʼꞹ yo pjamilia ra to̱jia” (¡Despertad!, núm. 2 2018)
Yo ntee manji ke nge e Mizhokjimi kʼꞹ manda kja ne xoñijomꞹ, pe ¿pje mama ne Biblia?
¿Pje kja na joo ra xørꞹji ne Biblia? (Texe ne video) (3:14)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
