Je chjota xi nyatítjonle religión kao je jtín xi tjío alikui kjimale nga nyʼán tjíobatio. Nichxin xi tiyoaa ndʼai ngisa tse kjoatsʼen tísʼe saʼnda nga kisʼejna Kjoajchántse xi majaoni. Mela jao jmi millón mani chjota xi tjío jngo tjíjtsa Sonʼnde xi kjoasi tjín ya ʼndele.

 Ánni nga tsin kjimanile chjota nga nyʼán tjíobatiokao xínkjín. Jótso je Biblia.

1.  1. Nga tsin nda fikao yaole je chjota kui xosíkao nga tsín tso kon nga nda fikao xínkjín. Ya Biblia tongini kʼoakitso nga sʼe̱ “chjota xi toyaole tsjoake koa̱n, xi chʼaondai, xi nchja̱tʼa yaole, xi ngʼakon, xi tsín tsje tjín [...] xi síkitsón énle [...] xi toán, xi taon be xi nda [...] xi toxkia sʼín, xi tosíxkón male” (2 Timoteo 3:2-4).

2.  2. Ninga koatiojtín je chjota alikui koa̱nle kʼoendajin kjoa tsa tsín je Jeobá a koasenkao. Ya Biblia kʼoatso nga “likui bakinle je chjota xi tsoʼba nga je koandiaale yaole” (Jeremías 10:23).

3.  3. Nʼio chʼao kjoan kʼoa tse nganʼio tjínle je Na̱i, jé kjinentsja Sonʼnde kʼoa tíbʼanachale ngatsʼi chjota (Apocalipsis 12:9). ʼYañá nga “i̱ ngakijnda sonʼndebi tíjnakao na̱i” kʼoa nga jesa kjinentsja tosi tonda sʼe̱ kjoajchán kao kjoasi (Juan 5:19).

 Ya Biblia kʼoatso nga je Niná xi kjoaʼaíkao kjoanyʼán kʼoa nga tsín tsa je chjota xosʼin.

•   “Nga̱ nda ʼbe jmeni xi tisikjaʼaitsjen xi tʼatsaon, kui xi tso je Jeobá, kui xi mena nga nyʼán sʼin kuiyo” (Jeremías 29:11).

 Jósʼin sitjoson Niná én jebi. I tso Biblia “je Niná xi síkinjenyʼánjinná sixkoa̱ndi̱toon Satanás” (Romanos 16:20). Je Niná jngo chjotaxá sichjén xi ya tíjna ngʼajmi nga kjoaʼaíkao kjoanyʼán i̱ Sonʼnde. Ya Biblia “Reino de Dios” tsole, kʼoa je xi Rey sʼin kʼoéjnale jé Jesucristo (Lucas 4:43). Kʼianga jekoatexoma Jesús i̱ Sonʼnde, je chjota koaanle nga nyʼán sʼin koatio (Isaías 9:6, 7).

•   Tsa mesali jchai xi tʼatsʼe jebi, tʼexkiai je artículo xi ʼmi “¿Qué cosas logrará el Reino de Dios?”.