A chjotale Cristo je testigole Jeobá
Jaon, chjotale Cristoníjin. Kataʼyala kʼaa anni:
Bʼenelaijin yaonajin nga kʼoasʼin mangíntjenngijin choa̱ xi tsakʼéjna Jesucristo kao jmeni xi kitsoya (1 Pedro 2:21).
Kʼoasʼin makjainnajin nga tsín kuitjo̱ntjé tsa tsín Jesús, nga̱ “tsín xi kjaʼaí xi tjío i̱ sonʼndebi xi male bʼasjentjainá” (Hechos 4:12).
Kʼianga testigole Jeobá ma je chjota, kao jaʼaínle Jesús chanisʼenngindáni (Mateo 28:18, 19, Traducción del Nuevo Mundo).
Kʼianga bʼetsʼoalaijin Niná, kui jaʼaínle Jesús nichjainjin (Juan 15:16).
Kʼoasʼin makjainnajin nga jéní Jesús xi ngʼajko̱ tíjnale ngatsʼi je xi xʼin (1 Corintios 11:3).
Tonga kʼoati tjín jmeni xi tsín mangóson josʼin makjainnajin jmeni xi makjainle je relijión xi kʼoati chjotale Cristo sʼin ʼyale. Tobʼelañá, tojo tso je Biblia kʼoasʼin makjainnajin nga ʼNdíle Ninání je Jesús kʼoa li tsa Trinidadjin (Marcos 12:29). Kʼoa alikui kʼoasʼin makjainnajin nga tojo bʼejnakon je ni̱ma̱ná kʼianga jebiyaa, kʼoa alijña kʼoatso je Biblia tsa síkjaʼákon Niná je chjota ya jña lʼí títi kʼoa tsa tjínnele nga kui jaʼaín kʼoaile je xi nyatítjonle relijión xi kuitjongʼani (Eclesiastés 9:5; Ezequiel 18:4; Mateo 23:8-10).
Tsa kʼoati meli jchai xi tʼatsʼe jebi
XI NʼIO KJONANGI CHJOTA
A makjainle tʼatsʼe Jesús je testigole Jeobá
Kataʼyai ánni nga tjínnesínile nga sʼe̱le kjoamakjain xi tʼatsʼe Jesús je xi ñaki chjotale Cristo mani.
XI NʼIO KJONANGI CHJOTA
Ánni nga tsín síchjénsíni kro je testigole Jeobá
Ningalani chjotale Cristo maijin xi testigole Jeobá ʼminajin, alikui nichjainjin je kro kʼoa nikuijinla bʼetsʼoalaijin. Ánni.
XI TʼATSAINJIN
Ánni nga machjénsíni nga chótʼayá je Biblia
Jngo tjíjtsa Sonʼnde miyón chjota xi jetjíobe jmeni xi nʼio kjonangile yaole kʼianga tjíokotʼaya Biblia. A tsí matsjoali nga kʼoati chótʼayai tsanda ji.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.