¡WEʼKTZA! Tajlal 2 2018 | 12 Consej tuʼn qtzalaj kyukʼil toj qja
12 Consej tuʼn qtzalaj kyukʼil toj qja
Toj ambʼil jaʼlo in nok qbʼiʼn qa ateʼ nim familia in nel kypan kyibʼ. Pero ateʼ junjuntl mintiʼ in nel kypan kyibʼ, ¿tiʼ o tzʼonin kyiʼj tuʼn kukx kyten junx?
Toj tnam Estados Unidos, kyoj abʼqʼi 1990 a 2015, nim mejebʼleʼn te mas 50 abʼqʼi el kypan kyibʼ. Pero aqeju mejebʼleʼn te mas te 65 abʼqʼi, mas nim el kypan kyibʼ.
Ateʼ junjun xjal at kyojtzqibʼil, in tzaj kyqʼamaʼn qa il tiʼj tuʼn t-xi qʼamet tbʼanel yol kye kʼwal tiʼj tkyaqil, atzun junjuntl in tzaj kyqʼamaʼn qa il tiʼj tuʼn tkubʼ kykastiw. Tuʼn jlu, ya mintiʼ in nel kynikʼ tatbʼaj tiʼj tiʼ tuʼn tbʼant kyuʼn.
Aj kychʼiy kuʼxun, kwest tuʼn tkanet aju at tajbʼen kye tuʼnju mintiʼ kyojtzqibʼil tiʼj jun tiʼ.
Noqtzun tuʼnj...
Jaku che tzalaj mejebʼleʼn ex jaku che ten te jumajx.
Jaku txi kyxnaqʼtzaʼn tatbʼaj qe kykʼwal tukʼil kʼujlabʼil.
Jaku che ok kuʼxun te responsable aj kychʼiy.
¿Tiʼtzun jaku tzʼonin kyiʼj? Toj uʼj lu qo yolil tiʼj 12 consej tuʼn qtzalaj kyukʼil toj qja.
1 Japunx twi kyyole
Oxe nabʼil jaku che onin tiʼja tuʼn miʼn tnaj tmejebʼleʼna.
2 Tuʼn tbʼaj kyonin kyibʼe
¿In kubʼpe t-ximen teya qa tchmila moqa t-xuʼjila aju in nanqʼin tukʼila, moqa oʼkx jun xjal in nanqʼin ttxlaja?
3 Kyqʼonke kyoklene kyxolxe
¿Tzeʼn jaku kubʼ tyekʼina tukʼil tyola ex tbʼinchbʼena qa in nok tqʼoʼna toklen tukʼila?
4 Kynajsame kyile kyxolxe
¿Tiʼ jaku tzʼonin tiʼja tuʼn miʼn tok tqʼoʼna twitza tiʼj tpaltil tukʼila?
5 Che yoline
Oxe tiʼ jaku tzʼonin tiʼja tuʼn tyolina tukʼil tkʼwala.
6 Kykawinxe kykʼwale
¿Jakupe kubʼ tnaʼn tkʼwala nya bʼaʼn qa ma txi tkawina?
7 Kyxnaqʼtzanxe kykʼwale
¿Tiʼ xnaqʼtzbʼil jaku txi kyqʼoʼne kye kykʼwale?
8 Kyqʼonkuye tbʼanel techel kywitz
Aqeye mambʼaj, qa kyaje tuʼn kynimen kykʼwale kyeye, nim toklen tuʼn tkubʼ kyqʼoʼne jun tbʼanel techel kywitz.
9 Ojtzqinka tibʼa
¿Tiʼ jaku bʼant kyuʼn kuʼxun tuʼn tok kyqʼoʼn toklen aju nimen kyuʼn?
10 Tuʼn tok qeʼ kykʼuʼj txqantl tiʼja
Qa ma tzʼok qeʼ kykʼuʼj ttata tiʼja, kʼonil tiʼja aj tchʼiya.
11 Tzʼoka te aqʼunal xjal
Qa ma tzalaja tiʼj taqʼuna toj tkuʼxumala, kʼonil tiʼja tuʼn tbʼant tkyaqilju in kubʼ t-ximana.
12 Ximinkuya tiʼ taja tuʼn tbʼant tuʼna
Qa ma japun twi jun t-ximbʼetza, kʼonil jlu tiʼja tuʼn tok qeʼ tkʼuʼja tiʼjxa, che tel tbʼanel tamiwa ex mas ktzalajela.
Mas onbʼil kye ja xjal
Jaku che onin tbʼanel nabʼil tkuʼx toj Tyol Dios tiʼja tuʼn ttzalaja kyukʼil toj tjaya.
