¡KUKX QO XQʼUQIN!
¿Tiquʼn mintiʼ kyipumal xjal tuʼn tel kyiʼn qʼoj twitz Txʼotxʼ? | ¿Tiʼ in tzaj tqʼamaʼn Biblia tiʼj jlu?
Kykyaqil nejenel twitz Txʼotxʼ mintiʼ kyipumal tuʼn tel kyiʼn qʼoj in che ok kyuʼn xjal. Mas at bʼiybʼil ex qʼoj toj ambʼil jaʼlo atxix tej tikʼ Tkabʼ Nimaq Qʼoj twitz Tkyaqil Txʼotxʼ. Chʼixmi 2 mil millón xjal in che anqʼin jatumel in che ok qʼoj lu.
¿Tiquʼn mintiʼ kyipumal xjal tuʼn tel kyiʼn qʼoj twitz Txʼotxʼ? ¿Tiʼ in tzaj tqʼamaʼn Biblia tiʼ jlu?
At oxe tiquʼn mintiʼ kyipumal xjal tuʼn tel kyiʼn qʼoj twitz Txʼotxʼ
1. Ateʼ junjun mod in kubʼ kyyekʼin xjal aju mintiʼ in nonin tuʼn kyten toj txubʼtxaj. Kyaj tqʼamaʼn Tyol Dios qa toj ambʼil jaʼlo «ok che ul xjal oʼkx tok kykʼuʼj kyiʼjx, ex oʼkx tok kykʼuʼj tiʼj pwaq, ex in jaw kyniman kyibʼ, ex jawni qe, [...] mibʼan che niman te Dios, [...] mintiʼ in chewix kykʼuʼj, [...] mintiʼ in kyjakʼun kyibʼ, ex mintiʼ chʼin kylastmi kyiʼj xjal, [...] txʼuʼj kywiʼ, ex in jaw kyniman kyibʼ» (2 Timoteo 3:2-4).
2. Mintiʼ kyipumal xjal tuʼn tel kyiʼn nya bʼaʼn in tzaj kyiʼj qa mintiʼ ma onin Qman Jehová kyiʼj. a In tzaj tqʼamaʼn Biblia qa «mya ax te xjal tajaw tchwinqlal, ex mlay tzʼel tnikʼ xjal tiʼj alkye bʼe bʼaʼn tuʼn tbʼet tuj» (Jeremías 10:23).
3. In tzaj tqʼamaʼn Biblia qa a Satanás in kawin tibʼaj tkyaqil twitz Txʼotxʼ, qa puro nya bʼaʼn tmod ex qa «in sbʼun kyiʼj kykyaqil xjal twitz txʼotxʼ» (Apocalipsis 12:9). Tuʼnju «kykyaqil xjal twitz txʼotxʼ ateʼ tjaqʼ tipumal tajaw il», at nim qʼoj ex bʼiybʼil (1 Juan 5:19).
¿Alkye jun jaku tzʼel qʼinte qʼoj?
In tzaj tqʼamaʼn Biblia qa oʼkx Dios tzul qʼinte mujbʼabʼil ex qa mlay bʼant jlu kyuʼn xjal.
«Porke bʼaʼn wuʼne alkye nximbʼetze kyiʼje; ximan wuʼne tuʼn nbʼinchanteye bʼaʼn kyiʼje ex mya tuʼn nbʼinchanteye mya bʼaʼn. In xi nmaʼne jlu tuʼntzun tqeʼ kykʼuʼje tiʼj oybʼil, ex mas bʼaʼn che tele te yajxitl. Aqine Dios in chin qʼmante jlu» (Jeremías 29:11).
¿Alkye tten kjapunel twiʼ tyol Qman Jehová lu? «Aju Dios qʼolte qmojbʼabʼl qibʼ, jurat naj kbʼel pachʼuʼn Satanás» tuʼn (Romanos 16:20). Kʼajbʼel jun kawbʼil moqa jun gobierno tuʼn Dios aju at toj kyaʼj. In nok tqʼoʼn Biblia tbʼi te «Tkawbʼil Dios» ex in tzaj tqʼamaʼn qa tzul tiʼn Gobierno lu mujbʼabʼil twitz tkyaqil Txʼotxʼ (Lucas 4:43). O jaw jyoʼn Jesucristo tuʼn tok te aj Kawil toj Gobierno lu ex kxel t-xnaqʼtzaʼn kye xjal tzeʼn tuʼn kyanqʼin toj mujbʼabʼil (Isaías 9:6, 7).
Tuʼn tel mas tnikʼa tiʼj, jyonxa xnaqʼtzbʼil «¿Tiʼ kbʼantel tuʼn Tkawbʼil Dios?».
a Jehová tbʼi Dios (Salmo 83:18, La Biblia. Traducción del Nuevo Mundo).
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
JUNJUNTL XNAQʼTZBʼIL
¿Atpe jun tbʼanel ambʼil tzul?
¿Tiquʼn junxitl qe yol in tzaj ttziyen Tyol Dios kywitz qe yol in tzaj kytziyen xjal?
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
