Yesu ne ok nochiko jolupne ni gibed gi nyithindo kata kik gibedgo. Bende, onge japuonjre Yesu moro amora mane ochiwo paro machalo kamano. Onge kamoro e Muma ma kwero achiel kachiel wach tiyo gi yore mag komo nyuol. E wi wachni, puonj mayudore e ndiko mar Jo-Rumi 14:12 nyalo konyo. Owacho niya: “Ng’ato ka ng’ato kuomwa nochiw ne Nyasaye dwoko ma mare owuon e bura.”

Kuom mano, joma okendore nigi thuolo mar yiero kendgi giwegi ka be gibiro bedo gi nyithindo koso ok gibi bedogo. Bende, gin ema gibiro yiero ni gidwaro bedo gi nyithindo adi, to gibiro nyuologi e kinde mane. En ting’ mar dichwo gi dhako yiero tiyo gi yore mag komo nyuol ma ok gol ich. Ng’ato ang’ata ok onego ong’adnegi bura.—Jo-Rumi 14:4, 10-13.