Ang’o Momiyo Nyasaye Nochueyowa?
Dwoko ma Muma Chiwo
Penjoni inyalo ket e yore mopogore opogore, kuom ranyisi, Ang’o momiyo wan e pinyka? Muma nyisowa ni Nyasaye ne ochueyowa mondo wabed gi winjruok maber kode. Nee moko kuom puonj mag Muma e wi wachni.
Nyasaye e ma nochueyowa. Muma wacho ni Nyasaye “e ma nochueyowa, kendo wan e joge” —Zaburi 100:3; Fweny 4:11.
Nyasaye ne ochueyo gik moko duto gi gimomiyo.—Isaiah 45:18.
Ne ochuewa gi “riyo mar ng’eyo Nyasaye,” to mano e momiyo wabedo gi gombo mar ng’eyo gimomiyo wangima. (Mathayo 5:3) Odwaro ni wabed gi ng’eyo ma kare e wi wachno.—Zaburi 145:16.
Wanyalo tieko riyo mar ng’eyo Nyasaye mana ka wabedo osiepene. Kata obedo ni jomoko nyalo neno ni bedo osiep Nyasaye ok en gima nyalore, Muma to jiwowa kama: “Suduru machiegni gi Nyasaye to en bende nosud iru”—Jakobo 4:8; 2:23.
Mondo wabed osiepe Nyasaye, nyaka wadag ka luwore gi dwache. Oleronwa dwache e Ndiko mar Eklesiastes 12:13 niya: “Luor Nyasaye, kendo rit chikene, nimar mano ema ne omiyo ochue dhano.”—Bible in Luo, 1976.
E kinde ma biro, wabiro neno kaka Nyasaye chopo dwache ne dhano kogolo chandruoge duto kendo miyo osepiene ngima ma nyaka chieng’.—Zaburi 37:10, 11.
Samoro Inyalo Hero Magi Bende
DWOKO PENJO MA JI NIGO E WI MUMA
Nyasaye Dwaro ni Atim Ang’o e Ngimana?
Be ochuno ni Nyasaye omiya fweny moro kata omiya luong makende eka ang’e gima odwaro ni atim e ngimana? Many dwoko manie Muma.
PUONJ MADONGO MAG MUMA
Be Wanyalo Bedo Osiepe Nyasaye?
Kuom higni mathoth, ji mang’eny osegagombo ng’eyo Jachuechgi. Muma nyalo konyowa bedo osiepe Nyasaye. Osiep ma kamano chakorega gi ng’eyo nying Nyasaye.
DWOKO PENJO MA JI NIGO E WI MUMA
Ere Kaka Inyalo Bedo Osiep Nyasaye?
Gik moko abiriyo ma nyalo konyi gero osiep manie kindi gi Nyasaye.
LERO TIEND NDIKO MAG MUMA
Tiend Ndiko mar Jeremia 29:11—“An Awuon Ema Ang’eyo Gima Achanonu”
Be Nyasaye osechano ne ng’ato ka ng’ato gik ma biro timore e ngimane?
