Barua Mokwongo mar Petro 2:1-25
2 Omiyo, weuru timbe maricho duto,+ gi miriambo, gi wuondruok, gi ich-lit, kod kuoth.
2 To kaka nyithindo mayom,+ beduru gi gombo mar madho chak ma ok onjawore* mar wach Nyasaye mondo kokalo kuome, udong mi uchop e warruok+
3 bang’ ka usebilo* mi uyudo ni Ruoth ng’won.
4 Sa ma ubiro ir jal ma en kidi mangima ma ji ne odagi,+ jal moyier, kendo ma Nyasaye ogeno ahinya,+
5 un ma un kaka kite mangima, igerou mondo ubed ot kokalo kuom roho mar Nyasaye+ mondo ubed e tij dolo maler, mondo uchiw misengni+ ma Nyasaye oyiego kokalo kuom Yesu Kristo.+
6 Nimar Ndiko wacho kama: “Neuru! Aketo kidi moyier e Sayun, en e mise mar kidi ma nengone tek ma riwo kor ot, kendo onge ng’ato moketo yie kuoma ma wiye nokuodi.”+
7 Kuom mano, un e ma kidino ber ahinya e wang’u, nimar un jo moyie; to kuom jo ma ok oyie, “kidi ma jogedo ne odagi+ osebedo kidi moriwo kor ot,”+
8 kendo osebedo “kidi ma ji chwanyoree kod lwanda ma chwanyo ji.”+ Gichwanyore nikech gitamore luwo wach Nyasaye. To ne oyiergi nikech mano.
9 Un to un “oganda moyier, dolo mar joka ruoth, oganda maler,+ jo ma okawo ka oganda makende,+ mondo uland e kuonde maboyo ber mogundho”*+ mag Jalno ma noluongou kogolou e mudho kendo rwakou e ler mare miwuoro.+
10 Nimar nitie kinde ma ne ok un oganda, to sani koro un oganda Nyasaye;+ nitie kinde ma ne pok okechu, to sani koro osekechu.+
11 Un jo mahero, welo kendo jodak+ asayou mondo udhi nyime bedo jo ma ok donj e gombo mag ringruok,+ gombo ma kedo kodu.+
12 Sikuru gi timbe mabeyo e kind ogendni+ mondo sa ma gidonjonu ni un joketho, to gine kendgi timbeu mabeyo,+ mondo gimi Nyasaye duong’ chieng’ ma obiro nonoe weche.
13 Nikech Ruoth, bolreuru ne jotelo moketi.+ Bed ni en ruoth+ ma nigi teko e wi ji duto
14 kata en gavana ma ruodhno ooro mondo okum joketho, kendo opwo jo ma timo maber.+
15 Nikech Nyasaye dwaro ni utim gik mabeyo mondo utue dho jo ma pachgi ok ni kare ma wacho gik ma ok ging’eyo.+
16 Beduru kaka jo ma ni thuolo+ ka utiyo gi thuolono, ok kaka rageng’ ma upondoe mondo utim gik maricho,+ to tiuru kode kaka wasumbni mag Nyasaye.+
17 Miuru ji duto duong’,+ beduru gi hera ne riwruok duto mar owete,+ luoruru Nyasaye,+ miuru ruoth duong’.+
18 Jotich mondo obolre ne ruodhigi, kendo gimigi luor mowinjore,+ ok mana ne ruodhi mabeyo ma tiyonegi yot kende, to bende ne ruodhi ma tijgi tek.
19 Nimar en gima owinjore sa ma ng’ato nano e chandruok kendo isande to oonge ketho, nikech odwaro rito chunye obed ma onge bura e nyim Nyasaye.+
20 Nikech ere ohala ma uyudo ka po ni igou nikech richo to unano?+ To ka po ni unano e chandruok moro nikech usetimo gima ber, mano en gima long’o e wang’ Nyasaye.+
21 Kuom adier, mano e ngima ma noluongue, nimar kata mana Kristo ne osand nikech un,+ koweyonu ranyisi maber mondo uluw ondamo mage machiegni.+
22 Ne ok otimo richo moro amora,+ kendo onge wuondruok moro amora ma ne oyud e dhoge.+
23 Sa ma ne iyanye,+ ne ok oyenyo.+ Sa ma ne isande,+ ne ok osiemo wang’gi; kar mano, ne oketore owuon e lwet Jal ma ng’ado bura kare.+
24 En owuon noting’o richowa+ e ringrene ka ne ong’awe e yath,+ mondo watho kuom richo kae to wabed mangima kuom tim makare. Kendo “adhondene ne omiyo uchango.”+
25 Nimar ne uchalo kaka rombe mobayo yo,+ to koro useduogo ir jakwadhu+ kendo jarit ngimau.
Weche Moler Piny
^ Kata, “chak maliw.”
^ Kata, “useneno.”
^ Tiende ni, kidone mabeyo kod tijene madongo.