Yo maduong’ mwayudogo pesa masiro tijwa en kokalo kuom chiwo maonge achune migolo gi Joneno mag Jehova. Onge sadaka michoko e chokruogewa, kendo ok wagol achiel kuom apar. (Mathayo 10:7, 8) Kar mano, sanduge mag golo chiwo nitiere kuonde ma wachokoree mondo ng’ama diher golo chiwo otim kamano. Jogo mogolo chiwo ok hulre.

Achiel kuom gimomiyo ok wabed gi ting’ mapek en ni onge jotelo ma ichulo. Bende, ok chul Joneno mondo olend ot ka ot, kendo kuondewa mag lamo ok oger malich ahinya.

Pesa moro amora ma ioro ne ofise mag Joneno mag Jehova itiyogo e konyo jogo moyudo masira, e konyo jomisonari koda jorit malworo, gero utewa mag romo e pinje ma yutogi ni piny, goyo kendo oro Muma kod bugewa mamoko mag Jokristo.

Ng’ato owuon ema yiero golo chiwo mondo okony piny ma entie kata okony tijwa mar piny mangima. Moro ka moro kuom kanyakla chiwo ripot ne jokanyo mag kanyakla kinde ka kinde kuom kaka pesa otiyo.