Uno Mwapwa muvaka-Kulishitu Tahi?
Eyo. Twapwa tuvaka-Kulishitu mwomwo:
Tweji kukavangizanga vyuma vyosena anangwilenga Yesu navize alingilenga.—WaPetulu 1, 2:21.
Twafwelela ngwetu Yesu ikiye mulwilo, kaha “kakweshi lijina lyeka hano hamavu lize vanahane muli vatu lize vatela kutulwila nalyoko.”—Vilinga 4:12.
Nge mutu mwapwa Chinjiho chaYehova, veji kumumbapachisanga mulijina lyaYesu.—Mateu 28:18, 19.
Tweji kulombanga kuhichila mulijina lyaYesu.—Yowano 15:16.
Twafwelela ngwetu Yesu apwa Mutwe, chipwe ngwetu ikiye vahana ngolo hali vatu vosena.—Wavaka-Kolinde 1, 11:3.
Kaha nawa kwatwama vyuma vyavivulu twalihandunwinamo navatu veka vaze valivuluka kupwa vaka-Kulishitu. Chakutalilaho, twafwelela vyuma yanangula Mbimbiliya vyakuvuluka nge Yesu apwa Mwana Kalunga keshi chihanda chaTulunga Vatatuko. (Mako 12:29) Katwafwelela ngwetu mwono kaweshi kufwako, kaha nawa muVisoneka kavasonekamo nge vatu navakavayekelesa mukakahya kaheloko, chipwe kuvuluka nge vaze vali nakutwaminyina muliuka vatela kuvahana majina aulemu kuhambakana vakwavoko.—Muka-kwambulula 9:5; Ezekele 18:4; Mateu 23:8-10.