Malongesha audi mua kupeta mu Bible
Mukanda eu neuye nebe mu luendu lua kumbukila ku muyuki wa mu Bible wa bufuki, kupitshila ku diledibua dia Yezu ne mudimu wende, kuya too ne ku dilua dia Bukalenge.
Mukanda wa kudi Kasumbu Kaludiki
Mmushindu kayi uudi mua kulonga mukanda eu?
DILONGESHA 1
Nzambi wakafuka diulu ne buloba
Bible udi wamba ne: Nzambi wakafuka diulu ne buloba. Kadi udiku mumanye muanjelu uvuaye mufuke kumpala kua kufukaye muntu anyi tshintu kayi tshionso anyi?
DILONGESHA 2
Nzambi udi ufuka mulume ne mukaji ba kumpala
Nzambi wakafuka mulume ne mukaji ba kumpala ne kubatekaye mu budimi bua Edene. Uvua musue bua benze dîku ne bavuije buloba bujima mparadizu.
DILONGESHA 3
Adama ne Eva badi babenga kutumikila Nzambi
Bua tshinyi mutshi umue wa mu budimi bua Edene uvua wa pa buawu? Bua tshinyi Eva wakadia tshimuma tshia ku mutshi au?
DILONGESHA 4
Tshiji tshiakafikisha ku dishipa muntu
Nzambi wakitaba mulambu wa Abele kadi kubengaye wa Kayina. Pakamanya Kayina bualu ebu, wakapeta tshiji tshikole ne kuenzaye bualu bubi menemene.
DILONGESHA 5
Buatu bua Noa
Pavua banjelu babi basele bakaji pa buloba, bakalela bantu ba balume ba mpolondo bavua bakengeshangana. Tshikisu tshiakatangalaka miaba yonso. Kadi Noa uvua mushilangane ne bantu aba, uvua munange Nzambi ne umutumikila.
DILONGESHA 6
Bantu muanda mukulu bakapanda
Mvula wa kabutu wakaloka matuku 40, munya ne butuku. Noa ne bena mu dîku diende bonso bakashala mu buatu tshidimu tshijima ne tshitupa. Ndekelu wa bionso, bakapatukamu.
DILONGESHA 7
Tshibumba tshia Babela
Bamue bantu bakangata dipangadika dia kuibaka tshimenga ne kuenza tshibumba tshivua ne lusongo lutue mu diulu. Bua tshinyi Nzambi wakenza bua batuadije kuakula miakulu mishilangane?
DILONGESHA 8
Abalahama ne Sala bakatumikila Nzambi
Bua tshinyi Abalahama ne Sala bavua balekele nsombelu uvuabu nende mu tshimenga bua kuyabu kusomba bu bendakanyi mu buloba bua Kanâna?
DILONGESHA 9
Ndekelu wa bionso wakalela muana wa balume!
Mmunyi muvua Nzambi mua kukumbaja tshivuaye mulaye Abalahama? Mmuana kayi wa Abalahama uvua mulayi mua kukumbanyina: Izaka anyi Yishemaele?
DILONGESHA 10
Vuluka mukaji wa Lota
Nzambi wakalokesha kapia ne sufre mu Sodoma ne Amola. Bua tshinyi uvua mubutule bimenga ebi? Bua tshinyi tudi ne bua kuvuluka mukaji wa Lota?
DILONGESHA 11
Badi bateta ditabuja dia Abalahama
Nzambi wakambila Abalahama ne: ‘Angata koku muanebe mulela umuepele umufile bu mulambu pa mukuna mu buloba bua Moliya.’ Mmunyi muvua Abalahama mua kutantamena diteta dia ditabuja diende edi?
DILONGESHA 12
Yakoba udi upeta bumpianyi
Izaka ne Lebeka bakalela bana ba balume ba mapasa: Esau ne Yakoba. Bu muvuabu balele Esau kumpala, yeye ke uvua mu mulongo wa bantu bavua bapeta bumpianyi bua pa buabu. Bua tshinyi wakabushintakaja ku dilongo dia nkunde?
DILONGESHA 13
Yakoba ne Esau badi balengejangana
Mmunyi muvua Yakoba mupete dibenesha kudi muanjelu? Mmunyi muvuaye mulengejangane ne Esau?
DILONGESHA DIA 14
Mupika uvua mutumikile Nzambi
Jozefe uvua wenza malu makane, nansha nanku wakakenga bikole be! Bua tshinyi?
DILONGESHA DIA 15
Yehowa kakapua Jozefe muoyo nansha
Nansha muvua Jozefe muikale kule ne bena mu dîku diabu, Nzambi wakaleja muvuaye nende.
DILONGESHA DIA 17
Mose udi usungula bua kutendelela Yehowa
Pavua Mose muana, mamuende wakaluka mayele mimpe bua kumupandisha.
DILONGESHA DIA 19
Bipupu bisatu bia kumpala
Palô uvua mukebele bantu bende dikenga pavuaye mubenge kuenza bualu bupepele anu bua lutambishi.
DILONGESHA DIA 20
Bipupu bikuabu bisambombo
Nku tshinyi kuvua bipupu ebi bishilangane ne bisatu bia kumpala?
DILONGESHA DIA 21
Tshipupu tshia dikumi
Tshipupu etshi tshivua tshibi menemene, kufikishatshi too ne Palô muena lutambishi kudipuekesha maboko.
DILONGESHA DIA 22
Tshishima ku Mbuu Mukunze
Palô wakapanduka ku bipupu dikumi, kadi uvuaku mupanduke ku tshishima tshia Nzambi etshi anyi?
DILONGESHA DIA 23
Badi benza mutshipu kudi Yehowa
Bena Isalele bakenza mutshipu wa pa buawu kudi Nzambi pavuabu batudile ku mukuna wa Sinai.
DILONGESHA DIA 24
Kabakenza bualu buvuabu balaye
Pavua Mose wangata Mikenji dikumi, bena Isalele bakenza mpekatu mubi mutambe.
DILONGESHA DIA 25
Ntenta wa tshitendelelu bua kutendelela
Mushete wa tshipungidi uvua mu ntenta wa pa buende eu.
DILONGESHA DIA 26
Batentekedi dikumi ne babidi
Yoshua ne Kaleba bavua bashilangane ne batentekedi bakuabu dikumi bavua batentekele buloba bua Kanâna.
DILONGESHA DIA 27
Badi batombokela Yehowa
Kola, Datana, Abilama, ne bantu balume 250 bakuabu bakapangila mua kujingulula bualu bua mushinga buvua butangila Yehowa.
DILONGESHA DIA 29
Yehowa udi usungula Yoshua
Nzambi wakambila Yoshua malu a kulonda adi mua kutuambuluisha petu lelu.
DILONGESHA DIA 30
Lahaba udi usokoka batentekedi
Bimanu bia Yeliko biakupuka panshi. Kadi nzubu wa Lahaba wakashala muimane nansha muvuabu bamuibakile ku tshimanu tshia tshimenga.
DILONGESHA DIA 31
Yoshua ne bena Gibeona
Yoshua wakasambila Nzambi wamba ne: “Dîba imana tendee!” Nzambi uvuaku mumuandamune anyi?
DILONGESHA DIA 32
Mulombodi mupiamupia ne bakaji babidi ba dikima
Pakafua Yoshua, bena Isalele bakatuadija kutendelela mpingu. Nsombelu wakakola, kadi mulumbuluishi Balaka, muprofete mukaji, Debola ne Yaele ne mpopo wende wa ku ntenta bakafila diambuluisha!
DILONGESHA DIA 33
Luta ne Naomi
Bakaji ba mu lufuila babidi bakapingana mu Isalele. Luta umue wa kudibu, wakaya kuenza kuangulula ntete mu madimi, muakamumuenenabu kudi Boaza.
DILONGESHA DIA 34
Gideona udi utshimuna bena Midiyana
Pavua bena Midiyana bakengesha bena Isalele bikole menemene, bena Isalele bakalomba Yehowa bua abambuluishe. Mmushindu kayi uvua basalayi bakese ba Gideona batshimune basalayi baluishi 135 000?
DILONGESHA DIA 35
Hana udi ulomba muana wa balume
Elekana wakaya ne Hana, Penina, ne bana bua kutendelela ku ntenta wa tshitendelelu ku Shilo. Kuoku aku, Hana wakalomba muana wa balume. Tshidimu tshijima pashishe, wakalela Samuele!
DILONGESHA DIA 36
Dilaya dia Yefeta
Ndilaya kayi divua Yefeta muenze? Bua tshinyi? Ntshinyi tshivua muana ya Yefeta muambe bua tshivua tatuende mulaye?
DILONGESHA DIA 37
Yehowa udi uyukila ne Samuele
Bana ba balume babidi ba Muakuidi Munene Eli bavua benza mudimu wa buakuidi ku ntenta wa tshitendelelu. Kabavua batumikila mikenji ya Yehowa to. Samuele utshivua muana uvua mushilangane nabu, ne Yehowa wakayukila nende.
DILONGESHA DIA 38
Yehowa udi upesha Shimishona bukole bua bungi
Nzambi wakavuija Shimishona ne bukole bua bungi bua kuluangana ne bena Peleshete, kadi pakalejaye kuvua bukole buende bufumina, bena Peleshete bakamukuata.
DILONGESHA DIA 39
Mukalenge wa kumpala mu Isalele
Nzambi uvua mupeshe bena Isalele balumbulushi bua kubalombola, kadi bakajinga mukalenge. Samuele wakela Shaula manyi bu mukalenge wa kumpala, kadi pashishe Yehowa wakabenga Shaula. Bua tshinyi?
DILONGESHA DIA 40
Davidi ne Goleyata
Yehowa usungula Davidi bua kuikala mukalenge wa Isalele, ne Davidi uleja muvuaye mukumbane.
DILONGESHA DIA 41
Davidi ne Shaula
Bua tshinyi umue wa ku bantu aba uvua mukine mukuabu, kadi mmunyi muvua uvuabu bakine wenza malu?
DILONGESHA DIA 42
Yonatana muena dikima wa lulamatu
Muana wa mukalenge uvua mulue mulunda wa pa muoyo wa Davidi.
DILONGESHA DIA 44
Ntempelo muibakila Yehowa
Nzambi udi witaba dilomba dia mukalenge Solomo ne umupesha bintu bikuabu bia bungi.
DILONGESHA DIA 45
Bukalenge budi bukosoloka
Bena Isalele ba bungi bakalekela kuenzela Yehowa mudimu.
DILONGESHA DIA 49
Badi bapesha mukalenge mukaji mubi dinyoka
Yezabele udi wela tshifufu bua kushipa Nabota bua kunyenga budimi buende bua tumuma tua mvinyo! Yehowa Nzambi uvua mumone malu ende mabi.
DILONGESHA DIA 50
Yehowa udi uluila Yehoshafata mvita
Yehoshafata mukalenge muimpe wakalomba Nzambi pavua bisamba bia baluishi bifunyine Yuda.
DILONGESHA DIA 51
Tshilobo tshia mvita ne muana wa bakaji mutekete
Muana wa bakaji muena Isalele udi wambila mfumuende muntu mukaji bua bukole bua bungi budi nabu Yehowa—tshishima tshilua kuenzeka.
DILONGESHA DIA 52
Tshiluilu tshia Yehowa tshia kapia
Mudi muena mudimu wa Elisha mufike ku dimona ne: ‘tuetu tudi ne basalayi ba bungi babapite.’
DILONGESHA DIA 54
Yehowa udi uleja Yona lutulu
Mmushindu kayi uvua mushipa munene mufike ku dimina muprofete mukuabu wa Nzambi? Mmushindu kayi uvuaye mupatuke? Mmalu kayi avua Yehowa mumulongeshe?
DILONGESHA DIA 55
Muanjelu wa Yehowa udi ukuba Hezikiya
Baluishi ba Yuda badi bamba ne: Yehowa kakukuba bantu bende, kadi mbadishime!
DILONGESHA DIA 56
Yoshiya uvua munange mikenji ya Nzambi
Yoshiya wakalua mukalenge wa Yuda pavuaye ne bidimu muanda mukulu, ne wakambuluisha bantu bende bua kutendelela Yehowa.
DILONGESHA DIA 57
Yehowa udi utuma Yelemiya bua kuyisha
Malu avua muprofete utshivua nsonga eu muambe akafiikisha bakulu ba mu Yuda munda bikole.
DILONGESHA DIA 58
Badi babutula Yelushalema
Bena Yuda badi batungunuka ne kutendelela nzambi ya dishima, ke bualu kayi Yehowa udi ubalekela.
DILONGESHA DIA 59
Bansongalume banayi bavua batumikile Yehowa
Bansonga bena Yuda bavua badisuike bua kushala ne lulamatu kudi Yehowa nansha muvuabu mu lubanza lua bukalenge lua mu Babilona.
DILONGESHA DIA 60
Bukalenge buashala tshiendelele
Danyele udi umvuija tshilota tshia Nebukadenesâ tshia dikema.
DILONGESHA DIA 61
Bakabenga bua kuinama
Shadalaka, Meshaka, ne Abedenego bakabenga kutendelela lupingu lua or lua mukalenge wa Babilona.
DILONGESHA DIA 62
Bukalenge buenze anu bu mutshi munene
Tshilota tshia Nebukadenesâ tshivua tshileja malu avua ne bua kumufikila anu yeye.
DILONGESHA DIA 63
Mifundu ku tshimanu
Mifundu ivua kayiyi yumvuika eyi yakamueneka dîba kayi, ne idi yumvuija tshinyi?
DILONGESHA DIA 64
Danyele mu buina bua ntambue
Ikala usambila Yehowa dituku dionso anu muvua Danyele wenza!
DILONGESHA DIA 65
Esetê udi upandisha bena mu tshisamba tshiabu
Nansha muvuaye mu buloba bua ku babende, wakalua mukalenge mukaji nansha muvuaye muana wa nshiya.
DILONGESHA DIA 66
Ezela udi ulongesha mikenji ya Nzambi
Bena Isalele bamane kuteleja Ezela, bakalaya Nzambi bualu bua pa buabu.
DILONGESHA DIA 67
Bimanu bia Yelushalema
Nehemiya wakumvua ne: baluishi bavua badilongolole bua kubaluisha. Bua tshinyi kavua mumvue buôwa?
DILONGESHA DIA 68
Elizabeta udi upeta muana
Bua tshinyi bavua bambile bayende wa Elizabeta ne: uvua ne bua kushala mupuwe kayi wakula too ne pavuabu ne bua kulela muana?
DILONGESHA DIA 69
Muanjelu Gabaliele kudi Mariya
Wakamupesha mukenji uvua mushintulule nsombelu wende.
DILONGESHA DIA 70
Banjelu badi bamanyisha diledibua dia Yezu
Balami ba mikoko bavua bumvue tshivua banjelu bambe bakaya lukasa lukasa.
DILONGESHA DIA 73
Yone udi ulongolola dilua dia Masiya
Yone wakalua muprofete pakakolaye. Uvua ulongesha ne: Masiya uvua ne bua kulua. Bantu bakenza tshinyi bua mukenji wende?
DILONGESHA DIA 74
Yezu udi ulua Masiya
Pavua Yone muambe ne: Yezu udi Muana wa mukoko wa Nzambi, uvua musue kuamba tshinyi?
DILONGESHA DIA 75
Diabolo udi uteta Yezu
Diabolo udi uteta Yezu misangu isatu. Mmateta kayi asatu avuaye mumutete nawu? Ntshinyi tshivua Yezu muenze bua mateta au?
DILONGESHA DIA 76
Yezu udi ukezula ntempelo
Bua tshinyi Yezu uvua muipate nyama mu ntempelo ne mutonkole mêsa a bashintudi ba makuta?
DILONGESHA DIA 77
Muntu mukaji ku tshina tshia mâyi
Mukaji muena Samalea wakakema pavua Yezu mumuakuishe. Bua tshinyi? Yezu uvua mumuambile tshinyi tshivuaye kayi muanji kuambila muntu mukuabu?
DILONGESHA DIA 78
Yezu udi uyisha mukenji wa Bukalenge
Yezu wakabikila bamue ba ku bayidi bende bua balue ‘balobi ba bantu.’ Wakalua kulongesha bayidi bende 70 bua kuyisha mukenji wa lumu luimpe.
DILONGESHA DIA 79
Yezu udi wenza bishima bia bungi
Muaba wonso uvua Yezu uya, babedi bavua baya kudiye bua abambuluishe, ne uvua ubondopa. Wakajula too ne kana ka bakaji ku lufu.
DILONGESHA DIA 80
Yezu udi usungula bapostolo dikumi ne babidi
Uvua mubasungule bua tshinyi? Udi muvuluke mêna abu anyi?
DILONGESHA DIA 81
Muyuki wa pa mukuna
Yezu wakalongesha musumba wa bantu uvua mudisangishe malu a mushinga mukole.
DILONGESHA DIA 82
Yezu udi ulongesha bayidi bende mua kusambila
Mmalu a mushindu kayi avuaye muambile bayidi bende bua kutungunuka ne kulomba?
DILONGESHA DIA 83
Yezu udi udisha bantu binunu ne binunu
Tshishima etshi tshidi tshitulongesha tshinyi bua Yezu ne bua Yehowa?
DILONGESHA DIA 84
Yezu udi wendela pa mâyi
Udiku mua kumona mu lungenyi muvua bapostolo badiumvue pavuabu bamone tshishima etshi anyi?
DILONGESHA DIA 85
Yezu udi wondopangana dituku dia Nsabatu
Bua tshinyi bantu bonso kabavua basanke bua tshivuaye wenza?
DILONGESHA DIA 86
Yezu udi ubisha Lazalo ku lufu
Pavua Yezu mumone Mariya udila, wakatuadija pende kudila. Kadi miadi yabu ayi yakandamuka disanka.
DILONGESHA DIA 87
Yezu udi wenza Pasaka wa ndekelu
Yezu wakambila bayidi bende malu a kuenza mu didia dia ndekelu divuaye mudie nabu.
DILONGESHA DIA 88
Badi bakuata Yezu
Yudase Isakaliote uya mu budimi bua Getesemane ne tshisumbu tshinene tshia bantu tshiambule miele ne mitshi bua kukuata Yezu.
DILONGESHA DIA 89
Petelo udi uvila Yezu
Ntshinyi tshivua tshienzeke mu lupangu lua nzubu wa kayifa? Ntshinyi tshivua tshienzekele Yezu pavuaye munda mua nzubu?
DILONGESHA DIA 91
Badi babisha Yezu ku lufu
Mbualu kayi bua dikema buvua buenzeke mu munya pakashipabu Yezu?
DILONGESHA DIA 93
Yezu udi upingana mu diulu
Kumpala kua kubandaye udi wanji kuambila bayidi bende malu a mushinga a kulondabu.
DILONGESHA DIA 94
Bayidi badi bapeta nyuma muimpe
Mbishima kayi bia bukole bivuabu benze ku diambuluisha dia nyuma muimpe?
DILONGESHA DIA 95
Bualu nansha bumue kabuvua mua kubapangisha bua kuyisha
Bamfumu ba bitendelelu bavua bashipe Yezu bakateta bua kupuwisha bayidi bende. Kadi kabakakokesha to.
DILONGESHA DIA 96
Yezu udi usungula Shaula
Shaula uvua muluishi wa tshikisu wa bena Kristo, kadi malu akavua pa kushintuluka.
DILONGESHA DIA 97
Kônelio udi upeta nyuma muimpe
Bua tshinyi Nzambi wakatuma Petelo ku nzubu kua muntu eu uvua kayi muena Yuda?
DILONGESHA DIA 98
Buena Kristo budi butangalaka mu bisamba bia bungi
Mupostolo Paulo ne bamisionere nende bakatuadija mudimu wa diyisha mu matunga a kule.
DILONGESHA DIA 99
Mulami wa buloko udi upeta bulelela
Bua tshinyi mbatele demon, dikanka dia buloba, ne muele wa mvita mu muyuki eu?
DILONGESHA DIA 100
Paulo ne Timote
Bantu babidi aba bakenza mudimu pamue bidimu bia bungi bu balunda ne benzejanganyi ba mudimu.
DILONGESHA DIA 101
Badi batuma Paulo ku Lomo
Luendu luvua ne njiwu ya bungi, kadi kakuvua lutatu luvua mua kutekesha mupostolo eu to.
DILONGESHA DIA 102
Buakabuluibua buleja Yone
Yezu wakamupesha bikena kumona bilondangane bia malu atshilualua.
DILONGESHA DIA 103
“Bukalenge buebe bulue”
Buakabuluibua buleja Yone budi buleja muikala Bukalenge bua Nzambi mua kushintulula malu pa buloba.