Tudi bamone ne: bantu ba bungi bakadi ne tshiabu tshitendelelu batu basue kuyukila netu malu a mu Bible. Bushuwa, tutu tunemeka bukenji budi muntu nabu bua kulamata ku bualu kampanda budi bushilangane ne butudi tuetu tuitaba, ne katutu tuenzeja bantu bua kuitaba mukenji wetu to.

 Patudi tuyukila ne muntu bua tshitendelelu, tutu tudienzeja bua kutumikila mubelu wa mu Bible udi utulomba bua kuyukila nende “ne bupole” ne kumuleja “kanemu kakole.” (1 Petelo 3:15) Tudi bamanye bimpe ne: bamue nebabenge mukenji utudi tubatuadila. (Matayi 10:14) Kadi, bua kumanya ne: muntu neitabe anyi neabenge, anu tuetu bayukile nende. Tudi kabidi bamanye ne: nsombelu ya bantu itu ishintuluka.

 Tshilejilu, muntu udi mua kuikala ne bia bungi bia kuenza dituku kampanda, kadi wanyisha bua tuyukile nende musangu mukuabu. Bantu badi mua kupeta ntatu anyi nsombelu idi mua kubasaka bua kuteleja mukenji wa mu Bible. Ke bualu kayi tutu tudienzeja bua kupinganyina bantu bua kuyukila nabu.