“Leza . . . ukapampulanga impolo yonso mu meso abo, ne lufu kelukekala’kopo dikwabo, nansha madilo nansha miyoa nansha misanshi mine keikekala’kopo monka. Bintu bya kala bibapu kupita.”​—Kusokwelwa 21:3, 4, Bwalamuni bwa Ntanda Mipya.

Mingilo miyampe kadi isangaja.​—Isaya 65:21-23.

Kubela ne masusu a miswelo yonso ke kutupu’byo.​—Isaya 25:8; 33:24.

Nsangaji ne būmi bwa nyeke pamo na kisaka ne balunda.​—Ñimbo ya Mitōto 37:11, 29.

I amo, tala bidi bubinga bubidi:

• Leza udi na bukomo bwa kufikidija mulao wandi. Mu Bible, Yehova Leza kete ye utelwa bu “Mwinē Bukomo Bonso,” mwanda udi na bukomo kebudi mpwilo. (Kusokwelwa 15:3) O mwanda ubwanya kufikidija mulao wandi wa kwalamuna ntanda yetu ke milumbuluke. Bible mwine unena’mba, “kudi Leza bintu byonso bibwanikanga.”​—Mateo 19:26.

• Leza usakanga kufikidija mulao wandi. Kimfwa, Yehova wabilanga bininge kujokeja boba bafwile ke bōmi monka.​—Yoba 14:14, 15.

  Kadi Bible unena’mba, Yesu Mwanā Leza wābelwile babela. Mwanda waka wēbabelwile? Mwanda nandi wādi usaka kwibabelula. (Mako 1:40, 41) Yesu wāmwekeje mu muswelo mubwaninine ngikadila ya Shandi na kusaka kukwasha boba basakilwa bukwashi.​—Yoano 14:9.

  Nanshi tubwanya kukulupila amba, Yehova ne Yesu basakanga kwitukwasha tukekale na būmi bulumbuluke!​—Ñimbo ya Mitōto 72:12-14; 145:16; 2 Petelo 3:9.