Enda ku bidi'mo

Enda ku kifunka

CreativeDesignArt/DigitalVision Vectors via Getty Images

KESHAI’NKA KUKESHA!

Le Bine Bibwanika Bantu ba Nkoba Yonso Kulongelwa Bintu mu Muswelo Umo?—Le Bible Unena’po Namani?

Le Bine Bibwanika Bantu ba Nkoba Yonso Kulongelwa Bintu mu Muswelo Umo?—Le Bible Unena’po Namani?

 Bantu bavule, balañanga’mba kebibwanikapo nansha dimo bantu ba nkoba yonso kulongelwa bintu mu muswelo umo.

  •   “Kwisañuna kwa nkoba kwendelela kona malongolodi, bisumpi bya bantu, ne būmi bwa bantu bwa difuku ne difuku. Kwisañuna kwa nkoba kukyendelela kulengeja bantu balongelwe bintu mu muswelo mwishile.”—António Guterres, Mulembi wa Bumo bwa Mizo.

 Le bine bikabwanika bantu ba nkoba yonso kulongelwa bintu mu muswelo umo? Le Bible unena’po namani?

Mumweno wa Leza

 Bible witufundija muswelo umona Leza bantu ba nkoba mishileshile.

  •   “[Leza] wālupwile ku muntu umo mizo yonso ya bantu ba kushikata pa ntanda yonso.”—Bilongwa 17:26.

  •   “Leza kadipo na mboloji, ino mu mizo yonso yewa muntu umutyina ne ulonga byoloke ye witabijibwa nandi.”—Bilongwa 10:34, 35.

 Bible ulombola’mba bantu bonso i ba mu kisaka kimo, ne amba Leza witabijanga bantu ba nkoba yonso.

Kikapwija kwisañuna kwa nkoba

 Bulopwe bwa Leza, ko kunena’mba umbikalo wa momwa mūlu, o ukalengeja bantu ba nkoba yonso balongelwe bintu mu muswelo umo. Uno umbikalo ukafundija bantu mwa kwikadila biyampe na bantu bakwabo. Bantu bakefunda mwa kutalwila milangwe yo-yonso ya kwisañuna kwa nkoba.

  •   “Bekadi ba pa ntanda [bakefunda] boloke.”—Isaya 26:9.

  •   “Ndoe ikalupuka ku boloke bwa bine, kadi bipa bikalupuka ku boloke bwa bine i kwikala ku matwi talala ne mutyima-ntenke wa myaka na myaka.”—Isaya 32:17.

 Dyalelo, bantu midiyo ne midiyo befundanga mu Bible mwa kulongela bakwabo bintu na bulēme.