Mu Bible mudi tunangu twa kamweno mu būmi. Shi umutange, ulangulukile’po kitatyi ne kitatyi, ne kwingidija byobya byowifunda’mo “ukanekenya dishinda dyobe.” (Yoshua 1:8; Ñimbo ya Mitōto 1:1-3) Ukayuka Leza ne Yesu wandi Mwana, kadi kwibayuka nako kubwanya kukupandija.—Yoano 17:3.

Le ukashilula kutanga mikanda ya mu Bible namani? I abe mwine wa kutonga. Ino mpangiko ya butangi bwa Bible ikakukwasha utange mikanda ya mu Bible moilondela nansha kutonga mitwe ya myanda. Kimfwa, ubwanya kutonga bipindi bīsambila pa mwādi mwikadile Leza na Isalela wa kala. Ubwanya kutanga bipindi bikwabo pa kuyuka mwāshilwidile kipwilo kya bwine Kidishitu kya mu myaka katwa kabajinji ne muswelo okyāendelele kumeso. Shi utange difuku ne difuku mashapita moekadile ku mpangiko, ukapwa kutanga Bible ense mutuntulu mu mwaka umo.

Shi ye dibajinji kutanga Bible, kadi usaka kutanga’ye difuku ne difuku, ne kupwa kutanga’ye mu mwaka umo, ino mpangiko ikakukwasha. Tentula ino mpangiko ya butangi bwa Bible, kadi shilula kumutanga’nka dyalelo.