Ñimbo ya Mitōto 98:1-9
-
Yehova, Umpandiji kadi Mutyibi moloke
-
Lupandilo lwa Yehova lubayukanibwa (2, 3)
-
Lwimbo.
98 Imbilai Yehova lwimbo lupya,+Mwanda walonga bintu bya kutendelwa.+
Dikasa dyandi dya lundyo, kuboko kwandi kujila, kubaleta lupandilo.*+
2 Yehova wayukanya lupandilo lwandi;+Wasokola boloke bwandi ku meso a mizo.+
3 Wavuluka buswe bwandi bwa ndamatyidile ne bubinebine bwandi ku njibo ya Isalela.+
Mafulo onso a ntanda abamone lupandilo lwa Leza wetu.*+
4 Tūtyilai Yehova kyungwe kya bushindañani, a ntanda yonso.
Sangalai, elai nsadi ya tusepo kadi imbai mitendelo.*+
5 Imbilai Yehova mitendelo* na lunsense,Na lunsense ne lwimbo luleululwe.
6 Na bimpungidi ne kuvuma kwa lusengo,+Tūtai kyungwe kya bushindañani ku meso a Mulopwe, Yehova.
7 Dijiba dikungule ne byonso biyudile’mo,Ntanda* ne boba bekele’mo.
8 Minonga ikupile makasa;Ngulu yele nsadi ya tusepo pamo+
9 Ku meso a Yehova, mwanda aye wiyanga* kutyibila ntanda mambo.
Ukatyibanga na bululame mambo a ntanda ikelwe na bantu*+Ne a bantu na boloke.+
Kunshi kwa Dyani
^ Nansha’mba “kubamupe bushindañani.”
^ Nansha’mba “bushindañani bwa Leza wetu.”
^ Nansha’mba “ombai minjiki.”
^ Nansha’mba “Ombai minjiki.”
^ Nansha’mba “Ntanda ipa bipa.”
^ Nansha’mba “waiya.”
^ Nansha’mba “ntanda ipa bipa.”
