Bulongolodi bwa Batumoni ba Yehova bulēmekele myanda mifyame ya muntu na kulonda misoñanya idi mu Bible. Buno bulongolodi buyukile mvubu ya mīsambo yampikwa kafinda ne ya kulama myanda mifyame ya muntu pa mwanda wa kuvuija bisakibwa bya Batumoni ba Yehova ne bitala mingilo yabo ya kipwilo ne ya kukwashañana, ne bilombwa ku ino mingilo pa kulama myanda mifyame amba ino myanda ikale mikingwe senene. (Nkindi 15:22; 25:9) Kulama myanda mifyame kudi na mvubu mikatampe.​—Nkindi 20:19.

Pa kulama myanda mifyame ya bantu, matanda palapala i matūle’ko bijila. Mānga ya bulongolodi bwa Batumoni ba Yehova ilombola’mba abo i balēmeke myanda mifyame ya bantu ne kwiilama senene, enka ne kumeso kwa bijila bya kukinga ino myanda kebyatūdilwe’ko. Bulongolodi bwa Batumoni ba Yehova bukendelela na kulama myanda ibupēlwe mungya kibidiji kyabo kya tamba kala, kilombwelwe mu ino misoñanya.

Bino bijila bilondwanga konso na bulongolodi bwa Batumoni ba Yehova, monka mobwimaninwe na mabilo a misambo adi mu matanda palapala.

Bulongolodi bwa Batumoni ba Yehova bwingidijanga myanda ya muntu kukwatañana na ino misoñanya:

1. Myanda ya muntu ikalamwa mobyolokele ne mungya bijila.

2. Myanda ya muntu ikaselwa ne kwingidijibwa enka mungya byobya bikimbwa pa kuvuija bisakibwa bya Batumoni ba Yehova ne bitala mingilo yabo ya kipwilo ne ya kukwashañana.

3. Myanda ya muntu ifwaninwe kwikala ya bine ne ya panopano. Kilubo kyonso kikalemununwa bukidibukidi enka pokiyukwa na bulongolodi’pa.

4. Myanda ya muntu ikalamwa enka mu bula bwa kitatyi kyendele’mo mungya kitungo kifwaninwe kya bulongolodi.

5. Tukata mutyima bininge ku kulēmeka bijila bitala pa myanda’ya.

6. Tukengidija busendwe ne bulongolodi bufwaninwe mwanda wa kukinga amba myanda’ya yakasokolwa kwampikwa lupusa ne kwampikwa kulonda bijila. Maolodinatele onso adi na myanda ya bantu i makingwe, kadi i enka muntu udi na lufungulo ye utwela’ko. Mabilo nao afuñwanga pa kupwa kwa mingilo, kadi i enka boba bapelwe lupusa bo batwela’mo.

7. Myanda ya muntu keikapānwapo ku misambo mikwabo poso enka shi pa kuvuija mwingilo kampanda wa kipwilo nansha wa bukwashi utala bulongolodi bwa Batumoni ba Yehova, witabijibwe ku kusaka ne na mutyima umo na Batumoni bonso ba Yehova mu butongi bobatongele kwikala ne kwiyukanya bu Batumoni ba Yehova.

1. Lupusa lwa mwa kulamina myanda yobe mifyame, kwiilemununa nansha kwiibula lukokeja kukupebwa enka mungya kibidiji kya Batumoni ba Yehova kilombwelwe mu bino bijila.

2. Yewa ulomba luno lupusa lulombwelwe mu kino kipindi, ufwaninwe kuleta bukamoni ne myanda yandi mifwaninwe ya kumuyukila’po.

3. Shi muntu walombe lupusa lwa kutwela pa myanda mifyame ya muntu, kwiilemununa nansha kwiibula, bulongolodi bukabandaula senene kulomba’kwa na kudingakanya byobya bikokeja kumwena’mo muntu’wa na byobya bibwanya kumwena’mo bulongolodi mu myanda mifwaninwe itala kipwilo, ebiya ne kuyuka shi lupusa lwa kumupa lubwanya kutūla mu kyaka tumweno twa bulongolodi mu myanda itala bwanapabo ne mingilo ya kipwilo.

4. Bulongolodi butanga mutyima nyeke ku kulama myanda ya muntu kitatyi kyadi bu Kamoni wa Yehova. Kubula ino myanda i kutyumuna bituputupu nkulupilo ne bibidiji bya bulongolodi.

Shi muntu wamone amba mbila yandi keilondelwepo, ubwanya kusamba ku Komite ya Musambo na kulemba mukanda. Mukanda’wa ufwaninwe kutumwa mu mayenga abidi na palongekele mwanda mwine.