Tufwaninwe kulomba kudi Leza mu dijina dya Yesu mwanda uno o muswelo umo kete witabije Leza wa kumulomba. Yesu wānenene amba: “Ami ne dishinda ne bubine ne būmi. I kutupu wiya kudi Tata poso upityila padi ami.” (Yoano 14:6) Kadi Yesu wāsapwidile batumibwa bandi ba kikōkeji amba: “I binebine nemulombola’mba, shi mulombe Tata kintu kyo-kyonso, ukemupa’kyo mu dijina dyami.”—Yoano 16:23.

Bubinga bukwabo bwa kulombela mu dijina dya Yesu

•   Tulēmekanga Yesu ne Shandi, Yehova Leza.—Bene Fidipai 2:9-11.

•   Tulombolanga’mba tufwijanga’ko pa lufu lwa Yesu, kyabuntu kitupele Leza mwanda wa lupandilo lwetu.—Mateo 20:28; Bilongwa 4:12.

•   Twitabijanga mwingilo wa pa bula wa Yesu, wa bu nsenga pa bukata bwa Leza ne bantu.—Bahebelu 7:25.

•   Tulēmekanga mwingilo wa Yesu wa bu Kitobo Mukatampe, mwine ubwanya kwitukwasha tupwane na Leza.—Bahebelu 4:14-16.