Ntwelelo ya Mikanda ya mu Bible
Ano i mavideo mēpi a bifundwa alombola myanda ya kamweno pa ngikadilo ne myanda inenwe mu mikanda ya mu Bible. Ingidija bino bifundwa pa kulumbulula butangi bobe ne kifundwa kyobe kya Bible.
Ntwelelo ya Bible
Tala mukanda ne mukanda moukwatakenya mwanda mukatampe wimanine’po Bible—muswelo ukabingijibwa dijina dya Yehova kupityila ku Bulopwe bukaludikwa na Yesu Kidishitu.
Ntwelelo ya Ngalwilo
Ngalwilo witulombola myanda ya mvubu itala kwatambile muzo wa muntu ne mwāshilwidile masusu ne lufu pa muzo wa muntu.
Ntwelelo ya Divilu
Leza wānyongolwele bene Isalela mu bupika bwa Edipito, wēbateakanya bu muzo mwipāne kwadi.
Ntwelelo ya Bene Levi
Tala mumwekejeja bene Levi butōki bwa Leza umone ne butōki mobwikadile na mvubu mu būmi bwetu.
Ntwelelo ya Umbadilo
Mona kamweno kadi mu kukōkela Yehova ne kulēmeka boba batongele kuludika bantu bandi.
Ntwelelo ya Kupituluka mu Bijila
Mona Yehova mwalombwedile buswe bwa binebine ku bantu bandi kupityila ku mukanda wa Bijila wāpelwe Isalela.
Ntwelelo ya Yoshua
Mona muswelo muzo wa Isalela mowānekeninye ntanda yebāpele Leza ne mobeabenya’yo.
Ntwelelo ya Batyibi
Uno Mukanda uvuluka bana-balume bālombwele bukankamane ne lwitabijo bene bāingidijibwe na Leza mwanda wa kukūla Isalela ku balwana nandi.
Ntwelelo ya Luta
Luta wisambila pa buswe bwa mpikwa kwisakila bwālombwele mukaji wa kishala kansampe kudi inandi muko wa kishala ne muswelo obāeselwe na Yehova abo bonso babidi.
Ntwelelo ya 1 Samwele
Mona muswelo Samwele wa Kamo waesambila pa nsekununi ya Isalela kushilwila mu bitatyi bya Batyibi kufika ne mu bitatyi bya balopwe.
Ntwelo ya 2 Samwele
Tala lwitabijo ne kwityepeja kwa Davida mobyāmukwashishe abadilwe mu bantu baswedibwe batelelwe mu Bible.
Ntwelelo ya 1 Balopwe
Tala ntundubuko ne nsangaji yādi na Isalela mu mafuku a Mulopwe Solomone kutūla ne mu kitatyi kya kwilalulula kwa malopwe abidi Isalela ne Yuda.
Ntwelelo ya 2 Balopwe
Mona kutōta bilezaleza mokwāletedile bulopwe bwa ku ngala bwa Isalela makambakano mavule, papo Yehova wesela’nka boba batyetye kete bādi bāmwingidila na mutyima umo.
Ntwelelo ya 1 Bilongwa bya Mafuku
Mulopwe Davida wāiwile bakulutuba bandi kadi wādi na būmi buyampe bwa kwakamwa Leza tamba paābikikilwe bu mulopwe wa Isalela kutūla ne ku lufu lwandi.
Ntwelelo ya 2 Bilongwa bya Mafuku
Tala mulombwela ino nsekununi ya balopwe ba Yuda, kamweno kadi mu kwikala na lulamato kudi Leza.
Ntwelelo ya Ezela
Yehova wafikidija mulao wandi wa kutambija bantu bandi mu bupika bwa mu Babiloni ne kujokeja butōtyi bwa bine mu Yelusalema.
Ntwelelo ya Nehemia
Mukanda wa mu Bible wa Nehemia uleta bufundiji bukatampe ku batōtyi bonso ba bine dyalelo.
Ntwelelo ya Eseta
Binkumenkume bya kutendelwa bya mu mafuku a Eseta bikakomeja lwitabijo lobe mu bukomo budi na Yehova Leza bwa kunyongolola bantu bandi mu byamalwa dyalelo.
Ntwelelo ya Yoba
Boba bonso baswele Yehova bakatompibwa. Mānga ya Yoba itukulupija amba tubwanya kulama bululame bwetu ne kukwatakanya bubikadi bwa Yehova.
Ntwelelo ya Ñimbo ya Mitōto
Ñimbo ya Mitōto ikwatakanyanga bubikadi bwa Yehova, ikwasha ne kusenga boba bamuswele ne kulombola mukashintyila ino ntanda kupityila ku Bulopwe bwandi.
Ntwelelo ya Nkindi
Tambula buludiki bwa Leza mu myanda yonso ya mu bobe būmi—tamba ku bya busunga kutūla’nka ne ku myanda ya mu kisaka.
Ntwelelo ya Musapudi
Mulopwe Solomone ulombola bintu bya mvubu mu būmi ne kwibishiyañanya na byobya kebikwatañenepo na tunangu twa Leza.
Ntwelelo ya Lwimbo lwa Ñimbo
Buswe bwampikwa kukankalwa bwādi na mwine Shulama kudi mukumbi butelwa bu ‘lubimbi lwa Yehova.’ Mwanda waka?
Ntwelelo ya Isaya
Mukanda wa Isaya udi na bupolofeto bubwanya kukomeja kikulupiji kyobe mudi Yehova amba ufikidijanga milao yandi ne amba i Leza wa lupandilo lwetu.
Ntwelelo ya Yelemia
Yelemia wāvuije mwingilo wandi wa bu mupolofeto na kikōkeji nansha byokwādi balwana bakomo. Langulukila pa mukokeja kwikadila kimfwa kyandi na kamweno ku bene Kidishitu dyalelo.
Ntwelelo ya Madilo
Mukanda wa Madilo waāndikilwe na mupolofeto Yelemia, ulombola bulanda bwa konakanibwa kwa Yelusalema ne kwisāsa mokutwadilanga ku kufwilwa lusa na Leza.
Ntwelelo ya Ezekyele
Ezekyele wāvuije mwingilo wāmupele Leza na kwityepeja ne bukankamane, nansha ke mu makambakano a muswelo’ka. Kimfwa kyandi i kya kamweno kotudi dyalelo.
Ntwelelo ya Danyele
Danyele ne bapwani nandi bāshele na kikōkeji kudi Yehova mu ngikadilo yo-yonso. Tubwanya kumwena dyalelo mu kimfwa kyabo ne mu kufikidila kwa bupolofeto, bwa mu kitatyi kya ku mfulo.
Ntwelelo ya Hosea
Bupolofeto bwa Hosea budi na bufundiji bukatampe kotudi dyalelo mu mwanda utala lusa lwa Yehova ku banonga bibi besāsa ne muswelo wa butōtyi bwasaka.
Ntwelelo ya Yoela
Yoela wānenene bupolofeto butala “difuku dya Yehova” ne kulombola kya kulonga pa kupanda. Bupolofeto bwandi bufikidilanga lubilo lonka dyalelo.
Ntwelelo ya Amose
Yehova wāpele uno muntu mwityepeje mwingilo wa mvubu. Le i ñeni’ka mikatampe yotubwanya kuboila ku kimfwa kya Amose?
Ntwelelo ya Obadia
Ye mukanda mwīpi bininge mu Bisonekwa bya Kihebelu. Bupolofeto bupānanga lukulupilo ne milao ya kubingijibwa kwa bubikadi bwa Yehova.
Ntwelelo ya Yona
Mupolofeto wāitabije kulemununwa, wavuija mwingilo wandi, kadi wāfundijibwe bufundiji bwa kamweno butala pa buswe bwa ndamatyidile bwa Leza ne lusa lwandi. Myanda yāmutene ikakutenga ku mutyima.
Ntwelelo ya Mika
Buno bupolofeto bwa ku bukomo bwa mushipiditu wa Leza bubwanya kukomeja kikulupiji kyetu kya’mba Yehova witulombanga’nka bintu byotubwanya kadi bimwenwa’mo.
Ntwelelo ya Nahumi
Bupolofeto bwitukulupija’mba Yehova ufikidijanga nyeke kinenwa kyandi ne amba uletanga busengi ku bonso bakimba ndoe ne lupandilo munshi mwa Bulopwe bwandi.
Ntwelelo ya Habakuka
Tubwanya kukulupila’mba Yehova uyukanga nyeke kitatyi kifwaninwe ne muswelo mulumbuluke wa kupandija bandi bantu.
Ntwelelo ya Zefenia
Mwanda waka tufwaninwe kwilama ku mulangilo wa’mba difuku dya butyibi bwa Yehova kedikafikapo?
Ntwelelo ya Hakai
Bupolofeto bulombola mvubu ya kutangidija butōtyi bwa Leza kumeso kwa tumweno twetu.
Ntwelelo ya Zekadia
Bimonwa bivule bya ku bukomo bwa mushipiditu ne bupolofeto byākomeje bantu ba Leza pa kala. Buno bupolofeto bumo bonka bukyendelela na kwitukulupija’mba Yehova ukitukwatakanyanga ne dyalelo.
Ntwelelo ya Malaki
I bupolofeto butala misoñanya ya Leza keishintapo, ya kanye, ne buswe. Kadi buno bupolofeto budi na bufundiji bwa mvubu mu myanda itutana dyalelo.
Ntwelelo ya Mateo
Sangela kwifunda myanda mikatampe ya mu uno mukanda wa mu Bible, mukanda umbajinji wa mu Maevanjile aná.
Ntwelelo ya Mako
Evanjile mīpi mu Maevanjile onso, mānga ya Mako itupa nsolweji ya buludiki bwa Yesu bwa kumeso bu Mulopwe wa Bulopwe bwa Leza.
Ntwelelo ya Luka
Le i myanda’ka itanwa’nka mu Evanjile ya Luka kete?
Ntwelelo ya Yoano
Nsekununi ya Yoano isambilanga pa buswe busenswe Yesu bantu, kimfwa kyandi kya kwityepeja, ne kitenta kyandi kya bu Meshiasa—Mulopwe wa Bulopwe bwa Leza mu mafuku a kumeso.
Ntwelelo ya Bilongwa bya Batumibwa
Bene Kidishitu babajinji bāingile bininge mu mwingilo wa kulonga bana ba bwanga mu bantu ba mizo yonso. Mukanda wa mu Bible wa Bilongwa ubwanya kutamija bupyasakane ne buzanzamuke bobe mu busapudi.
Ntwelelo ya Bene Loma
Bulombodi bwa ku bukomo bwa mushipiditu butala kubulwa mboloji kwa Yehova ne mvubu ya kwikadila na lwitabijo mudi Yesu Kidishitu.
Ntwelelo ya 1 Bene Kodinda
Mu mukanda wa Polo mudi madingi a ku bukomo bwa mushipiditu atala pa bumo, butōki bwa mu mwikadilo, buswe, ne lukulupilo lwa lusangukilo.
Ntwelelo ya 2 Bene Kodinda
Yehova, “Leza wa kusenga konso,” ukomejanga ne kukwatakanya bengidi bandi.
Ntwelelo ya Bene Ngalatea
Mukanda wa Polo ku Bene Ngalatea ukidi na mvubu ne dyalelo pamo’nka na mu kitatyi kyowālembelwe. Ubwanya kukwasha bene Kidishitu bonso ba bine bekale nyeke na kikōkeji.
Ntwelelo ya Bene Efisesa
Uno mukanda wa ku bukomo bwa mushipiditu ukomeneja mpango ya Leza ya kuleta ndoe ne bumo kupityila kudi Yesu Kidishitu.
Ntwelelo ya Bene Fidipai
Shi twimanija mu matompo, tubwanya kukankamika bakwetu nabo bemanije.
Ntwele ya Bene Kolose
Tubwanya kusangaja Yehova na kwingidija byotwifunda, na kwilekela na mutyima umo batwe bene na bene, ne na kuyuka kifuko kya peulu ne lupusa ludi na Yesu.
Ntwelelo ya 2 Temote
Polo ukankamika Temote avuije ne pa mfulo mwingilo wandi.
Ntwelelo ya Tetusa
Mukanda wa Polo kudi Tetusa ulombola mwa kupwijija myanda yādi mu bipwilo bya mu Kelete ne bisakibwa bya ku mushipiditu bifwaninwe kubwanya bakulumpe.
Ntwelelo ya Filemone
Uno mukanda mwīpi ao’ko wa mvubu udi na bufundiji bwa kamweno butala kwityepeja, kanye, ne lulekelo.
Ntwelelo ya Bahebelu
Butōtyi bwa bwine Kidishitu bwimanine pa bintu bikatampe bininge kutabuka matempelo amweka na meso ne bitapwa bya banyema.
Ntwelelo ya Yakoba
Yakoba i mwingidije binenwa bikunka mutyima mwanda wa kufundija misoñanya ya mvubu ya bwine Kidishitu.
Ntwelelo ya 1 Petelo
Mukanda mubajinji wa Petelo witukankamika twikale bengila ne kwela kuzumbazumba kwetu konso kudi Leza.
Ntwelelo ya 2 Petelo
Mukanda wa bubidi wa Petelo witukankamika twikale na kikōkeji potwilaija madiulu mapya ne ntanda mipya.
Ntwelelo ya 1 Yoano
Mukanda wa Yoano witudyumuna ku kinkwa na Kidishitu ne kwitukwasha tumone byotufwaninwe kusanswa ne byoketufwaninwepo kusanswa.
Ntwelelo ya 2 Yoano
Mukanda wa bubidi wa Yoano wituvuluja tunangile nyeke mu bubine ne kwilama ku bañongojani.
Ntwelelo ya 3 Yoano
Mukanda wa busatu wa Yoano udi na bufundiji bwa mvubu butala kizaji kya bwine Kidishitu.
Ntwelelo ya Yude
Yude ushintulula ne kusokwela patōka mwikadila mubi wa boba bakimba kongola ne kona bene Kidishitu.
Ntwelelo ya Kusokwelwa
Bimonwa bilenga nzuba bya mu mukanda wa Kusokwelwa bilombola muswelo ukafikidija Bulopwe bwa Leza mpango ya Leza pa bantu ne pa ntanda.