Kisonekwa kya Difuku
Boloshile Tubandaulei Bisonekwa Difuku ne Difuku witulombolanga kisonekwa kya kubandaula difuku ne difuku, ne nshintulwilo ya kine kisonekwa’kya. Uno boloshile ubwanya kukukwasha ushilule difuku dyonso na milangwe miyampe kadi ikankamika, ya myanda ya mu Bible.
Nansha kisonekwa ne nshintulwilo yakyo byobibwanya kubandaulwa kitatyi kyo-kyonso, bantu bavule basangelanga kubandaula ino myanda lubanga. Mu uno muswelo, babwanya kulangulukila pa myanda’ya mu bula bwa difuku. Shi udi na kisaka, mukamwena’mo shi mubandawila pamo kisonekwa kya difuku.
Ubwanya kutangila kisonekwa kya difuku pa Watchtower KIBĪKO PA ENTELENETE, nansha kadi ubwanya kutentula bilembwa bya mwaka mutuntulu pa Entelenete bya PDF bikwatañene na boloshile mutampwe.
Tala'po Bidi ne Bino:
BINGIDILWA BYA KWIFUNDA NABYO BIBLE
Dibuku Dishintulula Myanda ya mu Bible
Mu dibuku Étude perspicace des Écritures mudi myanda mivule mishintululwe senene. Īsambila pa bantu, bifuko, mityi, banyema, binkumenkume bikatampe, ne pa muneneno wa kyelekejo wingidijibwe mu Bible. Mu dibuku dya pa Entelenete mudi ne tulata, mafoto, bifwatulo, ne index ya mitwe ya myanda ne ya bisonekwa.
BINGIDILWA BYA KWIFUNDA NABYO BIBLE
Tulata twa Myanda ya mu Bible
Mu “Voyez le bon pays” mudi tulata tuvule ne matabulo alombola bifuko bishileshile bitelelwe mu Bible, nakampata Ntanda ya Mulao mu bitatyi bishileshile.
BINGIDILWA BYA KWIFUNDA NABYO BIBLE
Myanda Idi mu Bible mu Kīpi
Boloshile La Bible : quel est son message ? ulombola mu muswelo wa kutendelwa myanda idi mu Bible ense mutuntulu mu kīpi, ne kulombola mwanda mukatampe waesambila’po.