Munahana Kuli Kukaezahalañi Kwapili?
Kana miinelo ya mwa lifasi . . .
-
ikazwelapili hona cwana?
-
ikatotobela?
-
ikaba hande?
ZEIBULELA BIBELE
“Mulimu . . . ukatakula miyoko kaufela kwa meeto abona, mi lifu halisana kubateñi, nihaiba kutahelwa ki maswabi kamba kulila kamba kuutwa butuku. Zapili lifelile.”—Sinulo 21:3, 4.”—Sinulo 21:3, 4, Bibele ya Toloko ya Lifasi le Linca.
MOMUKONA KUTUSEZWA KI TABA YEO
Musebezi wamina ukatahisa kuli mube ni tabo.—Isaya 65:21-23.
Hamusana kukula kamba kunyandiswa ki nto ifi kamba ifi.—Isaya 25:8; 33:24.
Mina ni lubasi lwamina hamohocwalo ni balikani bamina mukaikola bupilo bobunde bwa kuya kuile.—Samu 37:11, 29.
KANA LULI LWASWANELA KULUMELA ZEIBULELA BIBELE?
Eni, sihulu ka mabaka amabeli a:
-
Mulimu unani maata a kutaleleza lisepiso zahae. Mwa Bibele, Jehova Mulimu ki yena feela yabizwa kuli “Yamaata Kaufela” bakeñisa kuli unani maata amatuna hahulu. (Sinulo 15:3) Kacwalo wakona luli kutaleleza sepiso yahae ya kucinca miinelo ya mwa lifasi laluna kuli ibe yeminde. Sina feela moiboniseza Bibele, “ku Mulimu lika kaufela zakonahala.”—Mateu 19:26.
-
Mulimu unani takazo ya kutaleleza lisepiso zahae. Ka mutala, Jehova unyolelwa kuzusa batu babashwile.—Jobo 14:14, 15.
Bibele hape ibonisa kuli Jesu, yena Mwanaa Mulimu, naafolisize batu bane bakula. Ki kabakalañi hanaaezize cwalo? Libaka kikuli naalata kueza cwalo. (Mareka 1:40, 41) Jesu naabonisize hande tulemeno twa Ndatahe ka kulata kutusa batu bane bali mwa butokwi.—Joani 14:9.
Kacwalo lwakona kukolwa kuli Jehova ni Jesu batabela kulutusa kuli luto ikola bupilo bobunde kwapili!—Samu 72:12-14; 145:16; 2 Pitrosi 3:9.
ZA KUNAHANISISA
Mulimu ukacinca cwañi miinelo ya mwa lifasi le kuli ibe yeminde?
Bibele ialaba puzo yeo kwa liñolo la MATEU 6:9, 10 ni la DANIELE 2:44.
Hape Mwendi Mwakona Kutabela Litaba Ze
TAWALA YA MULIBELELI
Niti ka za Lika Zekaezahala Kwapili
Musepe hahulu zabulela Mulimu ka za lika zekaezahala mwa lifasi kwapili ni batu babaka pila mwateñi.
LITUTO ZA BUTOKWA ZA MWA BIBELE
Mubuso wa Mulimu ki Nto Mañi?
Mwa bukombwa bwahae kaufela, Jesu naalutile hahulu za Mubuso wa Mulimu kufita taba ifi kamba ifi. Balateleli bahae base balapezi ka lilimo-limo kuli Mubuso wo utahe.
TAWALA YA MULIBELELI
Mubuso wa Mulimu Ukaezañi?
Jesu naaziba kuli Mubuso wa Mulimu ki ona feela okafelisa miinelo yetaata fa lifasi. Ki lika mañi zese upetile Mubuso wo zelutusa kuba ni sepo?
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
