Eni. Lwa lumela ku Jesu, ya naa ize: “Ki na nzila ni niti ni bupilo. Ha ku na ya taha ku Ndate haisi ka na.” (Joani 14:6) Lu na ni tumelo ya kuli Jesu naa tile fa lifasi ku zwa kwa lihalimu ni ku to fa bupilo bwa hae bo bu petehile sina sitabelo se si liulula. (Mateu 20:28) Lifu la hae ni zuho ya hae li konahalisa ba ba bonisa tumelo ku yena ku fumana bupilo bo bu sa feli. (Joani 3:16) Hape lwa lumela kuli Jesu wa busa ka nako ya cwale sina Mulena wa Mubuso wa Mulimu wa kwa lihalimu, ili wo ka tahisa kozo mwa lifasi kaufela hona cwale-cwale fa. (Sinulo 11:15) Nihakulicwalo, lwa lumela manzwi a Jesu a li: “Ndate ki yo muhulu ku na.” (Joani 14:28) Kamukwaocwalo, ha lu lapeli Jesu kakuli ha lu lumeli kuli ki Mulimu ya Maata-Ote.