ແຜນທີ່ດິນແດນໃນຄຳພີໄບເບິນ
ປຶ້ມ “ໄປເບິ່ງແຜ່ນດິນທີ່ດີຢ້ຽມ” (ພາສາໄທ) ມີແຜນທີ່ດິນແດນໃນຄຳພີໄບເບິນຢ່າງລະອຽດທີ່ຈະຊ່ວຍເຈົ້າໃຫ້ເຂົ້າໃຈຄຳພີໄບເບິນຫຼາຍຂຶ້ນ. ຄຳພີໄບເບິນເວົ້າເຖິງສະຖານທີ່ ເມືອງ ແລະດິນແດນຕ່າງໆ. ຖ້າເຈົ້າອ່ານຄຳພີໄບເບິນແລະໃຊ້ແຜນທີ່ນີ້ໄປນຳ ເຈົ້າກໍຈະມ່ວນກັບການອ່ານຫຼາຍຂຶ້ນ. ປຶ້ມ “ໄປເບິ່ງແຜ່ນດິນທີ່ດີຢ້ຽມ” ຈະຊ່ວຍເຈົ້າໃຫ້ນຶກພາບເຫດການແລະສະຖານທີ່ຕ່າງໆທີ່ຄຳພີໄບເບິນເວົ້າເຖິງ ແລະເມື່ອເຈົ້າເຂົ້າໃຈລັກສະນະທາງພູມສາດຂອງດິນແດນໃນຄຳພີໄບເບິນ ເຈົ້າກໍຈະເຂົ້າໃຈເຫດການທີ່ບັນທຶກໃນຄຳພີໄບເບິນຫຼາຍຂຶ້ນນຳອີກ.
ປຶ້ມ “ໄປເບິ່ງແຜ່ນດິນທີ່ດີຢ້ຽມ” ມີແຜນທີ່ແລະຕາຕະລາງທີ່ມີສີສັນກ່ຽວກັບສະຖານທີ່ແລະດິນແດນຕ່າງໆໃນສະໄໝຄຳພີໄບເບິນ. ແຜນທີ່ດິນແດນຕ່າງໆໃນຄຳພີໄບເບິນນີ້ຍັງມີພາບປະກອບທີ່ສ້າງຈາກຄອມພິວເຕີແລະຂໍ້ມູນອື່ນໆທີ່ຊ່ວຍໃຫ້ເຈົ້າສຶກສາຄຳພີໄບເບິນດ້ວຍຕົວເອງໄດ້ງ່າຍຂຶ້ນ.
ແຜນທີ່ດິນແດນໃນຄຳພີໄບເບິນນີ້ຈະຊ່ວຍເຈົ້າໃຫ້
ເຂົ້າໃຈວ່າອັບຣາຮາມ ອີຊາກແລະຢາໂຄບເດີນທາງໄປບ່ອນໃດແດ່
ເຫັນເສັ້ນທາງທີ່ຊາວອິດສະຣາເອນໃຊ້ຕອນອົບພະຍົບອອກຈາກເອຢິບເພື່ອເຂົ້າໄປແຜ່ນດິນຕາມຄຳສັນຍາ
ປຽບທຽບທີ່ຕັ້ງແຜ່ນດິນຂອງຊາວອິດສະຣາເອນກັບຊາດສັດຕູ
ເຫັນສະຖານທີ່ທີ່ພະເຢຊູເຄີຍເດີນທາງໄປປະກາດ
ເຫັນອານາເຂດຂອງຈັກກະພັດຕ່າງໆທີ່ຄຳພີໄບເບິນເວົ້າເຖິງ ລວມທັງບາບີໂລນ ກຣີກ ແລະໂຣມ
ເຈົ້າສາມາດເບິ່ງແຜນທີ່ດິນແດນໃນຄຳພີໄບເບິນອອນລາຍ.
ເລື່ອງທີ່ເຈົ້າອາດຈະມັກ
ເຄື່ອງມືສຶກສາຄຳພີໄບເບິນ
ຂໍ້ຄຳພີປະຈຳວັນ
ປຶ້ມການພິຈາລະນາຂໍ້ພະຄຳພີປະຈຳວັນຈະເວົ້າເຖິງຂໍ້ຄຳພີສັ້ນໆຂໍ້ໜຶ່ງໃນແຕ່ລະມື້ແລະມີຄຳອະທິບາຍຂໍ້ຄຳພີນັ້ນນຳ.
ເຄື່ອງມືສຶກສາຄຳພີໄບເບິນ
ສາລານຸກົມກ່ຽວກັບຄຳພີໄບເບິນ
ປຶ້ມການຢັ່ງເຫັນເຂົ້າໃຈພະຄຳພີ (ພາສາອັງກິດ) ມີຄຳອະທິບາຍກວມເອົາເລື່ອງຕ່າງໆໃນຄຳພີໄບເບິນເພື່ອຊ່ວຍເຮົາໃຫ້ເຂົ້າໃຈຫຼາຍຂຶ້ນ ເຊັ່ນ ຜູ້ຄົນ ສະຖານທີ່ ຕົ້ນໄມ້ ສັດ ເຫດການສຳຄັນ ຄຳຫຼືວະລີໃນຄຳພີໄບເບິນ ຖ້າເຈົ້າດາວໂຫຼດໜັງສືເຫຼັ້ມນີ້ໃນຮູບແບບ PDF ເຈົ້າກໍຈະເຫັນແຜນທີ່ ຮູບພາບ ດັດຊະນີຫົວເລື່ອງ ແລະຂໍ້ຄຳພີ.
ເຄື່ອງມືສຶກສາຄຳພີໄບເບິນ
ສະຫຼຸບເນື້ອຫາໃນຄຳພີໄບເບິນ
ປຶ້ມ “ຄຳພີໄບເບິນ—ບອກເລື່ອງຫຍັງ?” ຈະສະຫຼຸບເນື້ອຫາໃນຄຳພີໄບເບິນແບບກະທັດຮັດແລະຊ່ວຍເຈົ້າໃຫ້ຮູ້ວ່າຄຳພີໄບເບິນໝົດເຫຼັ້ມມີໃຈຄວາມສຳຄັນຫຍັງແດ່.