ຄຳພະຍາກອນກ່ຽວກັບເມຊີອາພິສູດບໍວ່າພະເຢຊູເປັນເມຊີອາແທ້ໆ?
ຄຳຕອບຈາກຄຳພີໄບເບິນ
ແມ່ນແລ້ວ ເພາະຕອນທີ່ພະເຢຊູຢູ່ເທິງໂລກ ເພິ່ນໄດ້ເຮັດໃຫ້ຄຳພະຍາກອນຫຼາຍເລື່ອງກ່ຽວກັບ “ເມຊີອາຜູ້ນຳ” ເຊິ່ງຈະເປັນ “ຜູ້ຊ່ວຍໂລກໃຫ້ລອດ” ເກີດຂຶ້ນແທ້. (ດານຽນ 9:25, ລ.ມ; 1 ໂຢຮັນ 4:14) ແລະຫຼັງຈາກທີ່ພະເຢຊູຟື້ນຂຶ້ນຈາກຕາຍ ເພິ່ນກໍຍັງເຮັດໃຫ້ຄຳພະຍາກອນອີກຫຼາຍຂໍ້ກ່ຽວກັບເມຊີອາສຳເລັດເປັນຈິງ.—ຄຳເພງ 110:1; ກິດຈະການ 2:34-36
“ເມຊີອາ” ໝາຍຄວາມວ່າຫຍັງ?
ຄຳພາສາເຮັບເຣີມາຊີອັກ (ເມຊີອາ) ກົງກັບຄຳພາສາກຣີກຄລິດໂຕສ໌ (ຄລິດ) ທັງສອງຄຳແປວ່າ “ຜູ້ຖືກເຈີມ.” ດັ່ງນັ້ນ ຄຳວ່າ “ເຢຊູຄລິດ” ຈຶ່ງມີຄວາມໝາຍວ່າ: “ພະເຢຊູຜູ້ຖືກເຈີມ” ຫຼື “ພະເຢຊູເມຊີອາ.”
ໃນສະໄໝຄຳພີໄບເບິນ ເມື່ອແຕ່ງຕັ້ງຄົນໜຶ່ງໃຫ້ມີຕຳແໜ່ງຫຼືໜ້າທີ່ພິເສດມັກຈະມີການເທນ້ຳມັນລົງໃສ່ຫົວຄົນນັ້ນ. (ລະບຽບພວກເລວີ 8:12; 1 ຊາມູເອນ 16:13) ພະເຢຊູໄດ້ຮັບການແຕ່ງຕັ້ງຈາກພະເຈົ້າໃຫ້ເປັນເມຊີອາເຊິ່ງເປັນຕຳແໜ່ງທີ່ສຳຄັນຫຼາຍ. (ກິດຈະການ 2:36) ໃນກໍລະນີຂອງພະເຢຊູ ພະເຈົ້າບໍ່ໄດ້ເຈີມເພິ່ນດ້ວຍການເທນ້ຳມັນ ແຕ່ເຈີມດ້ວຍພະລັງບໍລິສຸດ.—ມັດທາຍ 3:16
ຈະມີເມຊີອາຫຼາຍກວ່າໜຶ່ງຄົນໄດ້ບໍ?
ບໍ່ໄດ້. ເພາະຄຳພະຍາກອນຕ່າງໆໃນຄຳພີໄບເບິນເຮັດໃຫ້ເຮົາຮູ້ວ່າມີເມຊີອາຫຼືພະຄລິດພຽງຄົນດຽວ ຄືກັບທີ່ລາຍນິ້ວມືຕ້ອງເປັນຂອງຄົນຜູ້ດຽວ. ແຕ່ຄຳພີໄບເບິນກໍເຕືອນວ່າ: “ຈະມີພະຄລິດປອມແລະຜູ້ພະຍາກອນປອມມາເຮັດການອັດສະຈັນແລະສະແດງປາຕິຫານທີ່ຍິ່ງໃຫຍ່ ພວກເຂົາຈະພະຍາຍາມຫຼອກລວງແມ່ນແຕ່ຜູ້ທີ່ພະເຈົ້າເລືອກໄວ້ແລ້ວ.”—ມັດທາຍ 24:24
ໃນອະນາຄົດຈະມີເມຊີອາອີກບໍ?
ບໍ່. ຄຳພີໄບເບິນບອກລ່ວງໜ້າວ່າເມຊີອາຕ້ອງເປັນລູກຫຼານຂອງດາວິດກະສັດຂອງອິດສະຣາເອນ. (ຄຳເພງ 89:3, 4) ໃນປັດຈຸບັນ ບໍ່ມີບັນທຶກວົງຕະກູນຂອງຄົນຢິວທີ່ສືບໄປເຖິງສະໄໝຂອງດາວິດແລ້ວ ເພາະບັນທຶກນີ້ອາດຖືກທຳລາຍຕອນທີ່ກອງທັບໂຣມມາຍຶດເມືອງເຢຣູຊາເລັມໃນປີ ຄ.ສ 70. a ຕັ້ງແຕ່ນັ້ນມາກໍບໍ່ມີໃຜພິສູດໄດ້ອີກເລີຍວ່າ ໃຜສືບເຊື້ອສາຍມາຈາກກະສັດດາວິດ. ແຕ່ຕອນທີ່ພະເຢຊູຢູ່ເທິງໂລກຍັງມີບັນທຶກວົງຕະກູນຢູ່ ແລະເມື່ອພະເຢຊູບອກວ່າເພິ່ນເປັນລູກຫຼານຂອງດາວິດ ແມ່ນແຕ່ພວກສັດຕູກໍບໍ່ໄດ້ໂຕ້ແຍ່ງໃນເລື່ອງນີ້.—ມັດທາຍ 22:41-46
ໃນຄຳພີໄບເບິນມີຄຳພະຍາກອນກ່ຽວກັບເມຊີອາຈັກເລື່ອງ?
ບໍ່ສາມາດບອກຈຳນວນທີ່ແນ່ນອນໄດ້. ເຫດຜົນໜຶ່ງກໍຍ້ອນວິທີນັບຈຳນວນຄຳພະຍາກອນຂອງແຕ່ລະຄົນອາດແຕກຕ່າງກັນ. ແມ່ນແຕ່ຄຳພະຍາກອນທີ່ເຫັນໄດ້ແຈ້ງວ່າກ່ຽວຂ້ອງກັບເມຊີອາ ເຊັ່ນ: ເອຊາຢາ 53:2-7 ເຊິ່ງໃຫ້ລາຍລະອຽດຫຼາຍຢ່າງ. ບາງຄົນເບິ່ງວ່າເປັນຄຳພະຍາກອນເລື່ອງດຽວ ສ່ວນຄົນອື່ນໆອາດເບິ່ງວ່າລາຍລະອຽດແຕ່ລະຢ່າງເປັນຄຳພະຍາກອນໜຶ່ງເລື່ອງ.
ຄຳພະຍາກອນບາງເລື່ອງກ່ຽວກັບເມຊີອາທີ່ເກີດຂຶ້ນແທ້ກັບພະເຢຊູ
ຄຳພະຍາກອນ |
ຂໍ້ພະຄຳພີ |
ເກີດຂຶ້ນແທ້ |
|---|---|---|
ເປັນລູກຫຼານຂອງອັບຣາຮາມ |
||
ເປັນລູກຫຼານອີຊາກລູກຊາຍຂອງອັບຣາຮາມ |
||
ເກີດໃນຕະກູນຢູດາ |
||
ສືບເຊື້ອສາຍຈາກລາຊະວົງດາວິດ |
||
ເກີດຈາກສາວບໍລິສຸດ |
||
ເກີດຢູ່ເມືອງເບັດເລເຮັມ |
||
ຖືກເອີ້ນວ່າເອມານູເອນ b |
||
ເກີດໃນຄອບຄົວທີ່ທຸກຍາກ |
||
ເດັກນ້ອຍຖືກຂ້າຫຼັງຈາກເພິ່ນເກີດ |
||
ຖືກເອີ້ນອອກຈາກເອຢິບ |
||
ຖືກເອີ້ນວ່າຊາວນາຊາເຣັດ c |
||
ມີທູດນຳໜ້າມາກ່ອນ |
||
ຖືກເຈີມເປັນເມຊີອາ ຄ.ສ29 d |
ດານຽນ 9:25 |
|
ພະເຈົ້າຮັບຮອງວ່າເປັນລູກ |
||
ມີຄວາມຮັກແຮງກ້າຕໍ່ວິຫານຂອງພະເຈົ້າ |
||
ເປັນຜູ້ປະກາດຂ່າວດີ |
||
ວຽກຮັບໃຊ້ໃນຄາລີເລເປັນຄືແສງສະຫວ່າງເຈີດຈ້າ |
||
ເຮັດການອັດສະຈັນຄືໂມເຊ |
||
ເວົ້າຕາມທີ່ພະເຈົ້າບອກໃຫ້ເວົ້າຄືໂມເຊ |
||
ຮັກສາຄົນປ່ວຍຫຼາຍຄົນ |
||
ບໍ່ເຮັດໃຫ້ຄົນອື່ນມາສົນໃຈໂຕເອງ |
||
ສະແດງຄວາມອີ່ຕົນຕໍ່ຄົນທີ່ມີຄວາມທຸກ |
||
ເຮັດໃຫ້ເຫັນຄວາມຍຸຕິທຳຂອງພະເຈົ້າ |
||
ເປັນທີ່ປຶກສາມະຫັດສະຈັນ |
||
ປະກາດຊື່ພະເຢໂຫວາ |
||
ເວົ້າເປັນຕົວຢ່າງປຽບທຽບ |
||
ເປັນຜູ້ນຳ |
ດານຽນ 9:25 |
|
ຫຼາຍຄົນບໍ່ເຊື່ອສິ່ງທີ່ເພິ່ນເວົ້າ |
||
ເປັນຫີນທີ່ເຮັດໃຫ້ສະດຸດ |
||
ຜູ້ຄົນບໍ່ຍອມຮັບ |
||
ຖືກຊັງໂດຍບໍ່ມີເຫດຜົນ |
||
ຂີ່ລາເຂົ້າເມືອງເຢຣູຊາເລັມແບບຜູ້ຊະນະ |
||
ໄດ້ຮັບຄຳສັນລະເສີນຈາກເດັກນ້ອຍ |
||
ມາໃນນາມພະເຢໂຫວາ |
||
ຖືກໝູ່ສະໜິດທໍລະຍົດ |
||
ຖືກທໍລະຍົດດ້ວຍເງິນ 30 ຫຼຽນ e |
||
ຖືກໝູ່ຖິ້ມ |
||
ຖືກພະຍານປອມໃຫ້ການໃສ່ຮ້າຍ |
||
ບໍ່ຕອບຜູ້ທີ່ກ່າວຫາ |
||
ຖືກຖົ່ມນ້ຳລາຍໃສ່ |
||
ຖືກຕີຫົວ |
||
ຖືກຂ້ຽນ |
||
ຍອມຖືກທຳຮ້າຍ |
||
ພວກຜູ້ນຳລວມຫົວກັນຂ້າ |
||
ຖືກຕອກຕະປູຢູ່ມືແລະຕີນ |
||
ຜູ້ຄົນເອົາເສື້ອເພິ່ນມາຈັບສະຫຼາກ |
||
ຖືກນັບລວມກັບຄົນບາບ |
||
ຖືກດ່າແລະຖືກດູຖູກ |
||
ທົນທຸກເພື່ອຄົນບາບ |
||
ເບິ່ງຄືຖືກພະເຈົ້າປະຖິ້ມ |
||
ມີຄົນເອົານ້ຳສົ້ມສາຍຊູກັບນ້ຳບີໃຫ້ດື່ມ |
||
ຫິວນ້ຳກ່ອນຈະເສຍຊີວິດ |
||
ຝາກຊີວິດໄວ້ກັບພະເຈົ້າ |
||
ຍອມສະລະຊີວິດ |
||
ເປັນຄ່າໄຖ່ເພື່ອກຳຈັດບາບ |
||
ກະດູກບໍ່ຫັກ |
||
ຖືກແທງ |
||
ຖືກຝັງໄວ້ກັບຄົນລວຍ |
||
ຖືກປຸກໃຫ້ຟື້ນຂຶ້ນຈາກຕາຍ |
||
ມີຄົນຮັບໜ້າທີ່ແທນຄົນທີ່ທໍລະຍົດເພິ່ນ |
||
ນັ່ງເບື້ອງຂວາຂອງພະເຈົ້າ |
a ສາລານຸກົມແມັກຄລິນທອກແລະສະຕຣອງບອກວ່າ: “ເກືອບບໍ່ມີຂໍ້ສົງໄສເລີຍວ່າບັນທຶກວົງຕະກູນຂອງຄົນຢິວສູນຫາຍໄປຕອນທີ່ເມືອງເຢຣູຊາເລັມຖືກທຳລາຍ ບໍ່ແມ່ນກ່ອນໜ້ານັ້ນ.”
b ເອມານູເອນເປັນຊື່ພາສາເຮັບເຣີແປວ່າ “ພະເຈົ້າຢູ່ກັບເຮົາ.” ຊື່ນີ້ສອດຄ່ອງກັບບົດບາດຂອງພະເຢຊູໃນຖານະເມຊີອາ. ເພາະການທີ່ເພິ່ນມາເທິງໂລກແລະວຽກທຸກຢ່າງທີ່ເພິ່ນເຮັດເປັນຫຼັກຖານວ່າພະເຈົ້າຢູ່ກັບຄົນທີ່ນະມັດສະການເພິ່ນ.—ລູກາ 2:27-32; 7:12-16
c ຄຳວ່າ “ຊາວນາຊາເຣັດ” ອາດມາຈາກຄຳພາສາເຮັບເຣີ ເນເຊີ ທີ່ແປວ່າ “ໜໍ່” ຫຼື “ຜູ້ສືບເຊື້ອສາຍ.”
d ສຳລັບລາຍລະອຽດກ່ຽວກັບລຳດັບເວລາໃນຄຳພີໄບເບິນທີ່ຊີ້ວ່າ ຄ.ສ 29 ເປັນປີທີ່ເມຊີອາປາກົດໂຕ ເບິ່ງບົດຄວາມ “ວິທີທີ່ຄຳພະຍາກອນຂອງດານຽນບອກລ່ວງໜ້າເລື່ອງການປາກົດຕົວຂອງເມຊີ.”
e ຄຳພະຍາກອນນີ້ຢູ່ໃນປຶ້ມຊາກາລີ ແຕ່ມັດທາຍບອກວ່າເລື່ອງນີ້ “ບອກໄວ້ຜ່ານທາງຜູ້ພະຍາກອນເຢເຣມີ.” (ມັດທາຍ 27:9) ເບິ່ງຄືວ່າບາງເທື່ອປຶ້ມເຢເຣມີຖືກຈັດໄວ້ເປັນຫົວທຳອິດຂອງໝວດ “ປຶ້ມຂອງພວກຜູ້ພະຍາກອນ.” (ລູກາ 24:44) ດັ່ງນັ້ນ ມັດທາຍອາດຈະໃຊ້ຄຳວ່າ: “ເຢເຣມີ” ເພື່ອໝາຍເຖິງປຶ້ມທຸກເຫຼັ້ມໃນໝວດນີ້ ເຊິ່ງລວມເຖິງປຶ້ມຊາກາລີ.
ເລື່ອງທີ່ເຈົ້າອາດຈະມັກ
ຕື່ນເຖີດ!
ຜູ້ຍິງຄົນຢິວອະທິບາຍເຫດຜົນທີ່ລາວກວດສອບຄວາມເຊື່ອຢ່າງຈິງຈັງ
ອັນໃດເຮັດໃຫ້ຣາເຄວ ຮໍເຊື່ອໝັ້ນວ່າພະເຢຊູເປັນເມຊີອາທີ່ລາວລໍຖ້າມາດົນ?
