“God vi mwang dagai mataruan atatu. Ge kadogaha atatu ravsavmom mate tehe. Deiana vi sigai, gagarasi lol rebehin atatu vi sigai.”—Revelesen 21:⁠3, 4, Buka Sabuga La Bislama.

Mataisao geki mwa lolia gom gita batoia be rovoga be gom lolia, gom hav lol te bonogainia, take gom roñ mwandavuha lol rovoga gea.—Aesea 65:21-23.

Mwa lolia gom binihia be harova vi sigai, i atatu si hav roñ te mahantai lol rebehina.—Aesea 25:8; 33:⁠24.

Mwa buluigo be gov roñ mwandavuha mai irahavama, mai ira tuamwa, havava mosmosianana vi sigai.—Ol Sam 37:11, 29.

Uwe, huri ginau kera geki:

• God nu dadariha be vi lol non tatauleo rav mai sivigi. Lol Buka sabuga, Jehova God ñano mwa lai iha ratahigi gea, “God be non Muramura Gaivua,” gea ñano nu mura muraga. (Revelesen 15:⁠3) Bwatuna gea nu dadariha be vi hag̃o non tatau leo, ba lol ureure kegi vi mai tavuha maragai. Gunia be Buk Sabuga mwa bevea, ‘God nu dadariha be vi lol ira ­ginau ñoto.’—Matiu 19:⁠26.

• God mwa doron maragai be vi lol non ira tatau leo rav mai sivigi. Gom bini haninia. Jehova mwa bevea lalai Daniel be: “Hig̃o gov mate, tage gov rahu mulei.” Uwe, God mwa doron maragai be vi lol ira atat mate rav rahu mulei.—Daniel 12:⁠13.

  Buka Sabuga mwa bevea mulei be, Jisas vi lol ira atat haro rav mai tavuha mulei. ?Huri hano? Huribe gea mwa doron be vi lolia kunia. (Mak 1:40, 41) Jisas mwa gigilai alengan tamana, gea mwa doron maragai be vi bulai ira atatu be ram do lol gagarasi.—Jon 14:⁠9.

  !Bwatuna gea, tam binihi mwasigi be, Jehova mai Jisas ­ramuru doron maragai be raruvi bului gida be tav rong mwandavuha lol taro be vi mai!—Ol Sam 72:12-14; 145:16; 2 Pita 3:⁠9.