“Ira avoan sabuga nin God.”—2 Timoti 3:⁠16, Buka Sabuga La Bislama.

Mwa buluigo be gov habe seserai avoan hudaligi be ran ririhai.—Ol Proveb 2:1-5.

Mwa buluigo be gov ling Buka Sabuga vi tomuainigo vataha rani.—Ol Sam 119:105.

Mwa buluigo be gov tau binihimwa la rahuan tavuha be vi mai.—Rom 15:4.

Uwe, huri ginau kera geki:

• Non avoana ram bulgaituva. Atatu 40 ran rav Buka Sabuga. Nu lai taro 1600 taulu be ran rav Buka Sabuga. Kera gea ran rahu lol taro dodolua. !Songo be kunia, ira avoana ravrav lol Buka Sabuga ram bul gaituva, i ram bev avoana gaituva gano!

• Mwa avo mwasigi la houna. Taro be ram rav houn atatu vwate, tagaro atatu ram bev lua ginau tavuha be atatu mwa lolia. Tage ravrav sabuga dolua, atatu be ran rav Buka Sabuga ran rav ginau ñoto be atatu nu loli , songo be nu tavuha sa nu hantai. Vuvuri, ram rav vahalana ata lol vanuara mulei.—2 Kronikel 36:15, 16; Ol Sam 51:1-4.

• Tagaro avoan vevsera mwa mai sivigi. Tuai lol taulu 200, Buka Sabuga mwa bevegi vanua Babilon be vi nogo. (Aesea 13:17-22) !Ke mwa hav veva tehe gnano be vanua gea vi vinogonogo, mwa bev mulei ihan atatu be vi lai tanoi Babilon!—Aesea 45:1-3.

  Ira tavalun avoan vevsera mulei be Buka Sabuga mwa bevea, mwa be sera ginau kokolo be rav loli. Ira ginau gnoto gea, ram seserainia mwa melmelo be avoan sabuga non God.—2 Pita 1:21.