Mima Egata Ewu Drusiri Ma Dria Ri Ngoni?
Mini egarisi wudrikuru ’di ni nga . . .
awi ’dile ya?
i eza dika dika ya?
i otu muke ya?
BIBLIA ’YO ’DINI
“Munguni . . . nga mindre ini yi ma mileasi dria, dra ngani ovu dika ku, awu wuza pi lulu gaza pie, rua suza pie, ngani ovu dika ku; e’yo oko ’diyi aga ’bo.”—E’yo Eceza 21:3, 4.
IFINI KINI
Azi mini nga ’diyi nga ovu orodriru ifi ’yaza pie.—Isaya 65:21-23.
Azo azini candi nyaza ni nga ovu yo.—Isaya 25:8; 33:24.
Idri akua mi agyipika pie ri ni nga ovu ayikoru ’dani ’dani.—Zaburi 37:11, 29.
AMA AIKI E’YO BIBLIA NI NZE ’DIYI E’YO ADARU RA YA?
Ee, ama ecoki ra asisile iri ’diyi si:
Mungu ma okpo oyo soza ’diri ’yezu ci. Biblia ’yo kini, Yehova Mungu ni “Okpo E’i,” adusikuni okpo erini ri de i ku. (E’yo Eceza 15:3) Ani e’yo ’disi eco oyo soza ini ’di ma ta mba wudrikuru ’diri ojazu alaru ra. ’Dini Biblia ’yo kini, “Mungu vurisi e’yo dria eco ra.”—Matayo 19:26.
Mungu ovu ava be oyo soza ’diri ’yezu. Ecetasi, ’ba odrapi ’bo ’diyi ni idri fezu dika ri ma “avani” Yehova ni fu saaru.—Yobu 14:14, 15.
Biblia ece vini kini Mungu ma mvi Yesu, ati ndra ’ba azoru ’diyi ra. ’Ye ’dini a’du ma e’yosi ya? A’dusikuni le ndra ra. (Marako 1:40, 41) Ekile Ata eriniri le, Yesu ovu ndra ava be ’ba azakoma lepi ’diyi ma aza kozu.—Yohana 14:9.
Ani e’yo ’disi aniki ra ada ada Yehova pi Yesu be leki ama aza ko ayiko zuzu ewu drusi ri ma alea!—Zaburi 72:12-14; 145:16; 2 Petero 3:9.
MINI EGARISI
Mungu ni nga wudrikuru amani ’diri oja kililiru ngoni ngoni?
Biblia omvi zita ’di MATAYO 6:9, 10 azini DANIELI 2:44 ma alea.
You May Also Like
E’YO AMA DRIARI
Mi Ai Biblia Oniza Ajekoko Ri
Mi isu imbata Bibliani ajekoko sa azini pari mini le ria.
